Gujarati News

Gujarati News

News of Saturday, 9th June 2018

અન્ડર-૧૪ બહેનો માટે ઇન્ટર ડીસ્ટ્રીકટ ફુટબોલ ટુર્નામેન્ટનો પ્રારંભ : પ્રથમ દિવસે રાજકોટ સામે જામનગરનો અને ગાંધીનગર સામે પાટનો ઝળહળતો વિજય

રાજકોટ : સુરક્ષા સેતુ સોસાયટી અને બાન લેબ કપ રાજકોટ ડીસ્ટ્રીકટ ફુટબોલ એસોસીએશન દ્વારા યોજાયેલ અંડર -૧૪ બહેનો માટેની ઇન્ટર ડીસ્ટ્રીકટ ફુટબોલ ટુર્નામેન્ટનો ગઇકાલથી પ્રારંભ થયેલ છે. ટુર્નામેન્ટનું ઉદ્દઘાટન બાલલેબના પ્રમુખ મૌલેશભાઇ ઉકાણી અને ફુટબોલ એસો.ના પ્રમુખ ગુણવંતભાઇ ડેલાવાળા તથા મુકેશભાઇ બુંદેલાએ ફુટબોલને કીક મારીને કરાવ્યુ હતુ. આ ટુર્નામેન્ટમાં પ્રથમ મેચ જામનગરની ટીમે રાજકોટ સામે ૪-૦ ગોલથી તથા બીજો મેચ પાટણની ટીમે ગાંધીનગર સામે ૫-૦ ગોલથી જીતી લીધો હતો. સમગ્ર ટુર્નામેન્ટને સફળ બનાવવા ગુણવંતભાઇ ડેલાવાળા, ડી. વી. મહેતાની રાહબરી હેઠળ બાલસિંહજી સરવૈયા, મુકેશ બુંદેલા, જીવણસિંહ બારડ, ઉદય ઓલી, રોહીત બુંદેલા, રાજેશ ચૌહાણ, જયેશ કનોજીયા, લાલસિંહ ચૌહાણ, અજય ભટ્ટ, અજય આચાર્ય વગેરે જહેમત ઉઠાવી રહ્યા છે. (૧૬.૫)

(4:31 pm IST)
  • ચીનની વુહાન સમિટની જેમ જ આવતા વર્ષે ચીનનાં રાષ્ટ્રપતિ શી ચિનફિંગ અનૌપચારિક શિખર સમ્મેલન માટે ભારત આવશે. ચીનનાં રાષ્ટ્રપતિએ આ બાબતે વડાપ્રધાન મોદીનાં આમંત્રણનો સ્વિકાર કરી લીધો હતો. વિદેશ સચિવ વિજય ગોખલેએ શનિવારે એક પત્રકાર પરિષદ દરમિયાન આ માહિતી આપી. access_time 2:38 am IST

  • આજે ફરી તટીય મહારાષ્ટ્ર, ગોવામાં અતિ ભારે વરસાદની સંભાવના : ગઈકાલે મહારાષ્ટ્રમાં ચોમાસાનો પ્રારંભ થયા બાદ આજે રાજ્યના તટીય ભાગો, મુંબઈ અને ગોવામાં અતિ ભારે વરસાદ થવાની સંભાવના છે. તટીય કર્ણાટક, ગોવા અને દક્ષિણ મહારાષ્ટ્રમાં પહેલેથી જ વરસાદની સ્થિતિ સર્જાઈ છે. મુંબઈ અને આસપાસના વિસ્તારોમાં પ્રશાસન કોઈ પણ ઈમરજન્સીની પરિસ્થિતિને પહોંચી વળવા માટે એલર્ટ પર છે. BMC કર્માચારીઓની વીકેન્ડની રજાઓ પણ રદ કરી દેવામાં આવી છે. access_time 11:16 am IST

  • અમદાવાદમાં કાલથી હળવા વરસાદની આગાહી: અમદાવાદવાસીઓ પણ અસહય બફારા ઉકળાટથી ત્રસ્ત છેઃ ત્યારે તેઓ માટે થોડા રાહતના સમાચાર છેઃ આવતીકાલથી અમદાવાદમાં હળવા વરસાદની હવામાન ખાતાએ આગાહી કરી છે access_time 11:27 am IST