Gujarati News

Gujarati News

News of Saturday, 9th June 2018

પૂર્વ-પશ્ચિમ મામલતદાર કચેરીમાં પ્રાંતનું ચેકીંગઃ ૮ ગુટલીબાજોને ફટકારાતી નોટીસઃ હાજરી પુરવા આદેશો

ત્રણેય મામલતદાર કચેરીમાં ઇન્ડીયન બેન્કના સહયોગથી વોટર કૂલર મૂકાયા... : સુચિત સોસાયટીની ઓન લાઇન કામગીરી ઝડપથી પુરી કરવા સુચનાઃ હાલ નોંધણીની કામગીરી બંધ...

રાજકોટ તા. ૭ :.. રાજકોટ સીટી પ્રાંત ૧ શ્રી એ. ટી.પટેલે, પોતાના તાબા હેઠળની પૂર્વ-પશ્ચિમ મામલતદાર કચેરીમાં કર્મચારીઓની હાજરી-સ્વચ્છતા-કામગીરી અંગે ચેકીંગ કરતા  અનેક નબળાઇઓ છતી થઇ હતી, આઠ જેટલા ગુટણીબાજો ઝડપાયા હતા, આ તમામને ત્રણ-ત્રણ દિ' ની નોટીસ ફટકારી ખૂલાસો પૂછાયો છે, તો, મામલતદારોને નિયમીત હાજરી પુરાય તે જોવા અને હાજરી પત્રકમાં મામલતદાર પણ સહી કરે તે જોવા તાકીદ કરાઇ હતી.

આ ઉપરાંત ચેકીંગ દરમિયાન, ઓફીસોનું રેકર્ડ લોબીમાં પડયુ હોય તે વ્યવસ્થિત કરવા, સુચિત સોસાયટીની કામગીરી ઓન લાઇન ઝડપથી પુર્ણ કરવા અને ત્યાં સુધી  નોંધણીની કામગીરી બંધ રાખવા આદેશો કર્યા હતાં. દરમિયાન ત્રણેય મામલતદાર કચેરીમાં ઇન્ડીયન બેન્કના સહયોગથી વોટર કુલર મુકી દેવાયાનું સાધનોએ કહ્યું હતું. (પ-ર૩)

(4:20 pm IST)
  • હવામાન વિભાગે આગામી ચાર-પાંચ દિવસ માટે ચેતવણી આપી છે, જે મુજબ દેશના ઘણા વિસ્તારોમાં આંધી-તોફાન અને ભારે વરસાદની આશંકા વ્યક્ત કરવામાં આવી છે. મુંબઈ, કોંકણ, કર્ણાટક, ઉત્તર પ્રદેશ, દિલ્હી, હરિયાણા, હિમાચલ પ્રદેશથી લઈને બંગાળ સુધી આંધી-તોફાન અને ભારે વરસાદની સંભાવના વ્યક્ત કરાઈ છે. આ સાથે દરિયાઈ વિસ્તારોમાં માછીમારોને દરિયો ન ખેડવા સૂચના અપાઈ છે. access_time 2:40 am IST

  • શિવસેનાએ ભાજપનુ નાક દબાવ્યું: વિધાનસભાની ર૮૮ બેઠકોમાંથી ૧પર બેઠકો માંગીઃ ભાજપને ૧૩૬ બેઠકોની ઓફરઃ સીએમ પણ ઉધ્ધવ પોતાના પક્ષના ઇચ્છે છે જો કે ભાજપ ૧૩૦ થી વધુ બેઠક આપવાના મુડમાં નથી. access_time 3:49 pm IST

  • એક સેટમાં પાછળ રહ્યાં બાદ રોમાનિયાની સિમોના હાલેપે શાનદાર કમબેક કરતા સ્લોએને સ્ટીફન્સને ફ્રેન્ચ ઑપનની ફાઈનલમાં હરાવી પહેલું ગ્રાન્ડસ્લેમ પોતાના નામે કર્યું. દુનિયાની નંબર 1 ખેલાડી હાલેપે બે કલાક અને ત્રણ મિનિટ ચાલેલી આ મેચમાં 3-6, 6-4, 6-1થી જીત મેળવી. અગાઉ હાલેપ ત્રણ ગ્રાન્ડસ્લેમ ફાઈનલમાં હારી ચૂકી છે જેમાં બે વખત રોલેન્ડ ગેરો પર મળેલી હાર પણ શામેલ છે. access_time 2:38 am IST