Gujarati News

Gujarati News

News of Friday, 9th April 2021

કોરોનાની સારવારમાં ઉપયોગી FAVIPIRAVIR ટેબલેટ રાજકોટ સહિત સમગ્ર સૌરાષ્ટ્રમાં ઉપલબ્ધ

કોવિડ-૧૯ ના કેસોમાં ભયંકર ઉછાળો આવતા છેલ્લા ત્રણેક દિવસથી શોર્ટેજ વર્તાતી હતી

રાજકોટ તા. ૯ :.. છેલ્લા થોડાક દિવસો દરમ્યાન કોરોનાના કેસોમાં ભયંકર ઉછાળો આવતા કોરોનાની સારવારમાં ઉપયોગી ગણાતી એન્ટી વાયરલ ટેબલેટ  FAVIPIRAVIR (FABEFLU વિગેરે) ની છેલ્લા ત્રણેક દિવસોથી રાજકોટની દવા બજારમાં શોર્ટેજ ઉભી થઇ હતી. ગ્લેનમાર્ક, ઇટકા, એફડીસી, મેકલોઇડઝ, જે. બી. કેમીકલ વિગરે કંપનીઓ FAVIPIRAVIR ટેબલેટ બનાવતી હોવાનું જાણવા મળે છે.

 દરમ્યાન સૌરાષ્ટ્ર-કચ્છ કેમીસ્ટસ એન્ડ ડ્રગીસ્ટસ એસોસીએશન તથા કેમીસ્ટ એસો. રાજકોટના  પ્રમુખ મયુરસિંહ જાડેજા તથા મંત્રી અનિમેષભાઇ દેસાઇએ આજરોજ  'અકિલા' ને જણાવ્યું હતું કે આજથી રાજકોટ તથા સૌરાષ્ટ્રના મોટાભાગના મેડીકલ સ્ટોર્સમાં ર૦૦ એમ. જી., ૪૦૦ એમ. જી. તથા ૮૦૦ એમ. જી. ની  FAVIPIRAVIR  ટેબલેટ ઉપલબ્ધ થઇ ગઇ છે. કોરોનાની અસર જણાતા દર્દીઓ માટે પ્રથમ બે દિવસ દરમ્યાન એમ. જી. ની. ૧૬ ટેબલલેટસ જેટલો ડોઝ ડોકટર્સ દ્વારા અપાતો હોવાનું જાણવા મળે છે.

(4:09 pm IST)
  • રાજકોટ મહિલા ભાજપ અગ્રણી કાશ્મીરાબેન નથવાણી સહિત તેમના પૂરા પરિવારને વળગ્યો કોરોના : તેમના પતિ બકુલભાઈ, બન્ને પુત્રો, પુત્રવધુ સહિત બાળકો પણ કોરોના સંક્રમિત થતા પરિવારમાં હડકંપ મચી ગયો access_time 11:39 pm IST

  • કોરોના સંબંધિત પગલાઓ લેવાની તમામ સત્તા રાજય સરકારોને આપવામાં આવી છે : અમિતભાઈ : ગૃહમંત્રી અમિતભાઈ શાહે કહ્યું છે કે કન્ટેનમેન્ટ ઝોન સહિતના શું પગલાઓ લેવા તેની સંપૂર્ણ છૂટ રાજય સરકારોને આપવામાં આવી છે : ફેબ્રુઆરીના અંતથી આ છૂટ આપવામાં આવી છે, જે હેઠળ હવે રાજયોએ નક્કી કરવાનું છે કે તેમના રાજયમાં કન્ટેનમેન્ટ ઝોન કે લોકડાઉન સહિતના કેવા પગલા લેવા? access_time 3:56 pm IST

  • કેન્દ્રીય ગૃહમંત્રી અમિતભાઈ શાહે કહ્યુ છે કે દેશમાં કોરોના વેકસીનની કોઈ શોર્ટેજ નથી : રેલ્વે બોર્ડના ચેરમેને કહ્યું છે કે ખૂબ મોટી સંખ્યામાં મુસાફરોની આવ-જા થતી હોય તેમની પાસે કોરોના નેગેટીવ સર્ટીફીકેટ માંગવાની પોઝીશનમાં અમે નથી access_time 3:55 pm IST