Gujarati News

Gujarati News

News of Friday, 9th April 2021

પંચાયત પ્રમુખની 'પાણીદાર' કામગીરી

રાજકોટ તાલુકાના ૪ર ગામોની પીવાના પાણીની સમસ્યા તણાશે

મચ્છુ આધારિત ફિલ્ટર પ્લાન્ટ-પાઇપની કામગીરી ચાલુ

રાજકોટ, તા. ૯ : રાજકોટ જિલ્લા પંચાયતના પ્રમુખ શ્રી ભૂપત બોદરના સધન પ્રયાસોથી રાજકોટ તાલુકાના -૪ર ગામોની પીવાના પાણીની મચ્છુ આધારિત મહત્વકાંક્ષી યોજના અંગર્તત પીવાના પાણીની જુની પાઇપલાઇન યોજના અંતર્ગત ૧પ એમએલ. ફીલ્ટર પ્લાન્ટ, તેમજ ડી.આઇ. પાઇપ લાઇન સીંધાવદર-સણોસરા-કુવાડવા સુધી નવી પાઇપ લાઇન નાખવાની કામગીરી હાલ ચાલુ કરેલ છે. આ કામગીરી પૂર્ણ થયેલ રાજકોટ તાલુકાના -૪ર ગામનો પીવાના પાણીનો પ્રશ્ન કાયમી ધોરણે હલ થઇ જશે.

રાજકોટ જિલ્લા પંચાયત હેઠળના ગામોના રોડ રસ્તાઓના કામો સરકારશ્રી તરફથી જે કામો મંજુર થયેલ છે જેની કામગીરી વહિવટી કારણોસર અટકેલ હતી તે તાકીદથી પૂર્ણ કરવા રાજકોટ જિલ્લા પંચાયતના પ્રમુખશ્રી ભૂપત બોદર તરફથી બાંધકામ વિભાગના કાર્યપાલક ઇજનેરને સુચના આપેલ છે જે કામોની કામગીરી તાત્કાલીક પુર્ણ કરવા જણાવેલ છે.

(12:48 pm IST)
  • ટી-૨૦ વર્લ્ડકપ ભારતમાં જ યોજાશે : બેકઅપ પ્લાન પણ તૈયારઃ આઇસીસીના વચગાળાના સીઇઓ જ્યોફ એલાર્ડિસે જણાવ્યું હતું કે ભારતમાં ટી-૨૦ વર્લ્ડકપ રાબેતા મુજબ યોજાવવાનો છે અને તેના માટે તેની પાસે બેક-અપ પ્લાન તૈયાર છે. હાલના તબક્કે ટી-૨૦ વર્લ્ડકપ ભારતમાં જ યોજવા આયોજન access_time 12:21 am IST

  • કોરોના નાથવા સરકાર લોકડાઉન કે આંશિક લોકડાઉનનો સહારો લઇ રહી છે. મહારાષ્ટ્રના કેટલાક શહેરોમાં ઘણા દિવસોથી વેપાર ધંધા ઠપ્પ છે. લોકડાઉન એ ઉપાય નથી. માટે વેપારીઓએ કોરોનાથી નહીં, ભૂખમરાથી મરીશુ એવા પોસ્ટર સાથે વિરોધ પ્રદર્શન કર્યું હતું. લોકડાઉન ન લદાય એ માટે લોકોએ પણ જવાબદાર બનીને બિનજરૂરી હર-ફર બંધ કરવી જોઇઅ, માસ્ક પહેરીને જ બહાર જવું જોઇએ. access_time 10:45 am IST

  • કોરોના રોગચાળો હવે પર્યાવરણ માટે પણ મોટો ખતરો બની ગયો છે. કોરોનાથી બચવાના ઉપાયમાં સિંગલ યુઝ માસ્ક અને પીપીઇ કીટ સૌથી મહત્વપૂર્ણ છે. દરરોજ કરોડોની સંખ્યામાં તેનો ઉપયોગ રોજ કરવામાં આવી રહ્યો છે, પરંતુ તેમને સુરક્ષિત રીતે નષ્ટ કરવા માટે કોઈ ફ્રેમવર્ક તૈયાર કરવામાં આવ્યું નથી. ખરાબ કે તૂટેલા માસ્ક વિશ્વભરમાં જમીન, સમુદ્ર અને નદીઓ માટે જોખમ બની ગયા છે. તબીબી કચરા તરીકે તેનો નાશ કરવાને બદલે, તેને ક્યાંય પણ ફેંકી દેવામાં આવી રહ્યા છે. access_time 10:04 pm IST