Gujarati News

Gujarati News

News of Friday, 9th April 2021

જીવીત દર્દીના સ્વજનને તેમના દર્દીનું મરણ થયું છે તેવું જણાવાયું તે બનાવમાં

સરખા નામને કારણે ભુલ થઇ હતીઃ ક્ષતિ સુધારી લેવાઇ હતી

પંડિત દિનદયાળ ઉપાધ્યાય સિવિલ હોસ્પિટલના તબિબી અધિક્ષકની સ્પષ્ટતા

રાજકોટ તા. ૯: પંડિત દિનદયાળ ઉપાધ્યાય સિવિલ હોસ્પિટલના તબિબી અધિક્ષકશ્રીઍ ઍક નિવેદનથી જણાવ્યું છે કે પીડીયુ હોસ્પિટલ રાજકોટ ખાતે કોવિડ-૧૯ મહામારી અંતર્ગત દર્દીઓનો ખુબ જ મોટા પ્રમાણમાં ધસારો રહે છે. દર્દીઓની સારવારમાં તબિબો, ન‌ર્સિંગ સ્ટાફ અને વર્ગ-૩ તથા વર્ગ-૪ના કર્મચારીઓ દિવસ-રાત ઍક કરી સતત કામગીરી કરી રહ્યા છે.  તા. ૮-૦૪-૨૧ના રોજ કોવિડ-૧૯ના વોર્ડમાં બે દર્દીઓના નામ સરખા હોવાથી શરતચુકથી જીવીત દર્દીના સ્વજનને તમના દર્દીનું મૃત્યુ થયું છે તેમ જણાવવામાં આવ્યું હતું.

હોસ્પિટલના સ્ટાફ દ્વારા આ ક્ષતિ તુરત જ સુધારી લેવાઇ હતી અને તેમના સગાને જાણ કરવામાં આવી હતી કે તમારા દર્દી જીવીત છે. બીજી તરફ ઍવા સમાચારો વહેતા થયા હતાં કે રાજીબેન વરૂના સગાને બીજા વ્યક્તિનું મૃત શબ વિધી કરવામાં આપવામાં આવ્યું...આ વાત તદ્દન પાયા વિહોણી અને ખોટી છે. તેમ વધુમાં તબિબી અધિક્ષકશ્રીઍ લેખિત યાદીથી જણાવ્યું છે.

(11:53 am IST)
  • રેમડેસિવિર ઈન્જેક્શનની અછત વચ્ચે ભાજપ પ્રદેશ અધ્યક્ષ સી આર પાટીલની જાહેરાત, સુરતમાં ભાજપ 5000 રેમડેસિવિર ઇન્જેક્શન મફત આપશે. access_time 6:52 pm IST

  • રાજકોટના મોટાભાગના વેપારી એસોસિએશનએ આવતીકાલથી શનિ અને રવિવારના રોજ, શહેરમાં કોરોના સંક્રમણ વધતા, તકેદારી રૂપે સ્વયંભૂ બધી મુખ્ય બજારો બંધ રાખવાનો નિર્ણય કર્યાનું જાણવા મળે છે : વધુ વિગતો મેળવાય રહી છે... access_time 6:29 pm IST

  • ટી-૨૦ વર્લ્ડકપ ભારતમાં જ યોજાશે : બેકઅપ પ્લાન પણ તૈયારઃ આઇસીસીના વચગાળાના સીઇઓ જ્યોફ એલાર્ડિસે જણાવ્યું હતું કે ભારતમાં ટી-૨૦ વર્લ્ડકપ રાબેતા મુજબ યોજાવવાનો છે અને તેના માટે તેની પાસે બેક-અપ પ્લાન તૈયાર છે. હાલના તબક્કે ટી-૨૦ વર્લ્ડકપ ભારતમાં જ યોજવા આયોજન access_time 12:21 am IST