Gujarati News

Gujarati News

News of Tuesday, 9th March 2021

બીનખેતીમાં ર વર્ષમાં બાંધકામ કરી લેવા અંગેની શરતો હાઇકોર્ટે રદ કરતા કલેકટરને વિસ્‍તૃત રજૂઆતો

અપાયેલ શરતભંગ-દંડની નોટીસો પરત ખેંચવા-કેસો બંધ કરવા માંગણી

રાજકોટ તા. ૯: શહેરના આશીર્વાદ હાઇટ્‍સ-૧પ૦ ફુટ રીંગ રોડ પર રહેતા વિજયસિંહ ઝાલાએ કલેકટરને પત્ર પાઠવી બીનખેતી શરતભંગના ચાલતા કેસોમાં ગુજરાત હાઇકોર્ટના ર૦૧૬ના બીનખેતી શરતભંગ અંગે કોઇ દંડ-પ૧ ઉઘરાવવાનો રહેતો નથી, તેવા આપેલ ચૂકાદા ધ્‍યાને લઇ કાર્યવાહી કરવા માંગણી કરી છે.

પત્રમાં જણાવ્‍યું છે કે બીનખેતી શરતભંગમાં ૬ મહિનામાં બાંધકામ શરૂ કરી-ર વર્ષમાં પૂર્ણ કરવાની શરતો મૂકવામાં આવતી હતી તે જોગવાઇઓ રદ્દ કરેલ છે, આથી બાંધકામની મુદત ઠરાવવાનો કોઇ કાયદાકીય આધાર રહેતો નથી.

ઉપરોકત ચૂકાદો હોવા છતાં, બીનખેતી શરતભંગ શાખા દ્વારા શરતભંગ હેઠળ દંડ કરવાનો હુકમ તેમજ નોટીસ આપવામાં આવે છે,

આથી હાઇકોર્ટના ચુકાદાની ગરીમા જાળવી અવહેલતાનો કોઇ પેચીદો પ્રશ્‍ન ઉભો ન થાય તે માટે બીનખેતી શાખા દ્વારા આપવામાં આવેલ નોટીસ તથા ચાલતા કેસો-અપીલો બંધ કરવા રજૂઆત છે.

(3:50 pm IST)
  • દેશમાં કોરોનાના નવા કેસમાં આંશિક ઘટાડો : નવા કેસ કરતા રિકવર થનારની સંખ્યા વધી : એક્ટિવ કેસ પણ ઘટયા : રાત્રે 11 વાગ્યા સુધીમાં કોરોનાના નવા 15,353 કેસ નોંધાયા :કુલ કેસની સંખ્યા 1,12,44,624 થઇ :એક્ટિવ કેસ 1,84,555 થયા વધુ 16,606 દર્દીઓ સ્વસ્થ થતા કુલ 1,08,97,486 થયા :વધુ 76 લોકોના મોત સાથે કુલ મૃત્યુઆંક 1,57,966 થયા: દેશમાં સૌથી વધુ મહારાષ્ટ્રમાં નવા 8744 નવા કેસ નોંધાયા access_time 1:08 am IST

  • મુંબઈ શહેરમાં આજે કોરોના ઇન્ફેક્શનના નવા 1,008 કેસ નોંધાયા છે, પરંતુ વાસ્તવિક ચિંતાના સમાચાર ધારાવી તરફથી આવી રહ્યા છે : આજે ધારાવી ઝૂંપડપટ્ટી વિસ્તારમાં 18 પોઝિટિવ કેસ નોંધાયા છે : છેલ્લે 23 ઓક્ટોબર, 2020 ના રોજ ચાર મહિના પહેલા આ વિસ્તારમાં 18 કેસ નોંધાયા હતા.(ન્યૂઝફર્સ્ટ) access_time 10:27 pm IST

  • કેન્દ્ર સરકારે દેશની ૪૪ કંપનીઓને ડિફેન્સ ક્ષેત્રમાં એફડીઆઈની મંજૂરી આપી: આ કંપનીઓ સીધું વિદેશી રોકાણ સ્વીકારી શકશે: એફડીઆઈ અંતર્ગત કંપનીઓને ૪૧૯૧ કરોડ રૂપિયા મળે તેવી શક્યતા: આ રકમ સંરક્ષણ ક્ષેત્રે ઉત્પાદન માટે ખર્ચાશે: રોકાણમાંથી એરક્રાફ્ટ, ડિફેન્સ સિસ્ટમ, રડાર સિસ્ટમ વગેરેનું દેશમાં જ નિર્માણ થઈ શકશે access_time 1:07 am IST