Gujarati News

Gujarati News

News of Tuesday, 9th March 2021

સંતો-વડીલો સહિત આજે ૨૫૭૮ શહેરીજનોએ વેકસીન લીધી

રાજકોટ : મહાનગરપાલિકા દ્વારા કોરોના વેકસીનના બીજા તબક્કામાં શહેરના ૬૦ વર્ષથી વધુ ઉંમર ધરાવતા અને ૪૫ થી ૫૯ વર્ષના કોમોર્બીડિટી ધરાવતા લોકોને વેકસીન આપવામાં આવે છે. જેમાં શહેરના મોટી ઉંમરના લોકો પાસેથી વેકસીન મુકાવવા અંગે ખૂબ જ સારો પ્રતિસાદ મળી રહ્યો છે. રાજકોટના નામાંકિત વડીલો અને સંતોનો વેકસીન મુકાવવા અંગે બહોળો સહયોગ મળી રહ્યો છે. જો અન્વયે આજે સ્વામિનારાયણ ગુરુકુળના ગુરુમહારાજ દેવકૃષ્ણદાસજી સ્વામી તથા ૯૨ વર્ષના મુકતાબેન દેસાઇ સહિતના સંતો ,વડીલો કોરોના વેકસીન મુકાવી શહેરીજનોને સંદેશ પણ આપ્યો કે સૌ સાથે મળીને કોરોનાને હરાવીએ અને સૌ લોકો વેકસીન લઈ કોરોનાથી બચીએ. દરમિયાન શહેરમાં ૨૪ સરકારી અને ૧૪ ખાનગી હોસ્પિટલો એમ કુલ ૩૮ હોસ્પિટલોમાં કોરોના સામેની રસીકરણમાં બપોરે ૦૧:૦૦ વાગ્યા સુધીમાં પ્રથમ તબક્કામાં ૧૧૪, પ્રથમ તબક્કાના બીજા ડોઝમાં ૨૫૩, ૬૦ વર્ષથી મોટી ઉંમરના ૨૦૧૧ અને ૪૫ થી ૫૯ વર્ષના કોમોર્બીડીટી ધરાવતા ૨૦૦ લોકો સહિત કુલ ૨૫૭૮ નાગરિકોએ રસી લીધી.

(3:07 pm IST)
  • દેશમાં કોરોનાના નવા કેસમાં આંશિક ઘટાડો : નવા કેસ કરતા રિકવર થનારની સંખ્યા વધી : એક્ટિવ કેસ પણ ઘટયા : રાત્રે 12 વાગ્યા સુધીમાં કોરોનાના નવા 16,846 કેસ નોંધાયા :કુલ કેસની સંખ્યા 1,12,61,470 થઇ :એક્ટિવ કેસ 1,81,143 થયા વધુ 20,138 દર્દીઓ સ્વસ્થ થતા કુલ 1,09,17,624 થયા :વધુ 113 લોકોના મોત સાથે કુલ મૃત્યુઆંક 1,58,079 થયા: દેશમાં સૌથી વધુ મહારાષ્ટ્રમાં નવા 9927 નવા કેસ નોંધાયા access_time 12:59 am IST

  • કાલાવડ તાલુકાના પ્રગતિશીલ ખેડૂત વિશાલભાઇ જેસડીયા એ ૧ વીઘામાંથી માત્ર ૨ માસમાં ૩૦૦૦ કિલો સ્ટ્રોબેરીનું ઉત્પાદન કરી, ૨ લાખથી વધુનું વળતર મેળવ્યું તથા બાર વીઘાના વિસ્તારમાં 65000 ડ્રેગન ફ્રુટના રોપા વાવી, સૌ ખેડૂતમિત્રો સામે પ્રેરણાત્મક ઉદાહરણ બન્યા છે. access_time 3:57 pm IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 11 વાગ્યા સુધીમાં કોરોનાના નવા 18, 433 કેસ નોંધાયા :કુલ કેસની સંખ્યા 1,12,29,054 થઇ :એક્ટિવ કેસ 1,85,932 થયા વધુ 14,051 દર્દીઓ સ્વસ્થ થતા કુલ 1,08,80,628 થયા :વધુ 86 લોકોના મોત સાથે કુલ મૃત્યુઆંક 1,57,879 થયા: દેશમાં સૌથી વધુ મહારાષ્ટ્રમાં નવા 11.141 નવા કેસ નોંધાયા access_time 12:05 am IST