Gujarati News

Gujarati News

News of Friday, 9th March 2018

માલવીયાનગર પોલીસ સ્ટેશન સામે સીટી બસ સ્ટોપ બળીને ખાક

માનસિક અસ્વસ્થ જેવા શખ્સે ભેગા કરેલા ગાભા-કચરામાં તણખો પડ્યા બાદ ભડકો થયો

રાજકોટઃ શહેરના મવડી પ્લોટમાં માલવીયાનગર પોલીસ મથક સામે જ આવેલા સીટી બસ સ્ટોપમાં રાત્રે અચાનક આગ ભભૂકી ઉઠતાં લોકોના ટોળા ભેગા થઇ ગયા હતાં. ફાયર બ્રિગેડને જાણ થતાં બંબા પહોંચ્યા હતાં અને આગ બુઝાવી હતી. જો કે ત્યાં સુધીમાં બસ સ્ટોપ બળીને ખોખા જેવું થઇ ગયું હતું. ચર્ચાતી વિગત મુજબ એક માનસિક અસ્વસ્થ જેવા વ્યકિતએ આસપાસમાંથી ગાભા-કચરા વીણીને આ બસ સ્ટોપમાં ખડકલો કર્યો હતો. તેમાં કોઇ તણખો ઉડતાં આગ લાગી હતી. તસ્વીરમાં ભડકે બળતું બસ સ્ટોપ અને આગ બુઝાવતાં ફાયર બ્રિગેડના જવાનો જોઇ શકાય છે (ફોટોઃ અશોક બગથરીયા) (૧૪.૧૩)

(4:15 pm IST)
  • ઉત્તર પ્રદેશ સમાજવાદી પક્ષના ઉમેદવાર જયા બચ્ચને શુક્રવારે રાજ્યસભા માટે નામાંકન ભર્યું છે. તેમણે વિધાનસભાના સેન્ટ્રલ હોલમાં નોમિનેશન દાખલ કર્યું હતું. આ દરમિયાન સ.પા.ના પ્રમુખ અખિલેશ યાદવના પત્ની સાંસદ શ્રીમતી ડિમ્પલ યાદવ, સ.પા.ના ઉપપ્રમુખ કિરણ મય નંદા, સ.પા.ના રાષ્ટ્રીય સચિવ રાજેન્દ્ર ચૌધરી અને સહારા ગ્રૂપના ચેરમેન સુબ્રતા રોય સહારા પણ હાજર રહ્યા હતા. access_time 8:42 pm IST

  • એસટી બસનું છેલ્લા બે વર્ષમાં સરકારી કાર્યક્રમોમાં ભારે ઉપયોગ, તેમ છતાં ભાડાની પૂરી રકમ હજુ સુધી ચૂકવાઈ નથી : બે વર્ષમાં ૪૭૦૪૧ બસો દોડાવાઈ : પરંતુ ભાડાપેટાની ૨૨.૭૮ કરોડ જેવી રકમ ચૂકવાઈ નથી access_time 5:53 pm IST

  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST