Gujarati News

Gujarati News

News of Friday, 9th March 2018

ફી પ્રશ્ને મુખ્યમંત્રી-શિક્ષણમંત્રી અને સંચાલકને ગાળો આપનાર સામે રજુઆત

સ્વનિર્ભર શાળા સંચાલક મંડળ દ્વારા પોલીસ કમિશ્નરને રજુઆત

રાજકોટ, તા., ૯: ફી પ્રશ્ને શાળાએ રીસીપ્ટ અટકાવતા એક વાલી અને સંચાલક વચ્ચે થયેલ વાર્તાલાપ ખુબ ચર્ચાસ્પદ બન્યો છે ત્યારે આજે સ્વનિર્ભર શાળા સંચાલક મંડળ દ્વારા પોલીસ કમિશ્નરને રજુઆત કરવામાં આવી છે.

સ્વનિર્ભર શાળા સંચાલક મંડળ રાજકોટ દ્વારા પોલીસ કમિશ્નરને આવેદનપત્ર પાઠવ્યું છે. જેમાં તા. ૬-૩-ર૦૧૮ના પાઠક સ્કુલના સંચાલક દિલીપભાઇ પાઠક અને એક વિદ્યાર્થીના વાલી હરેશભાઇ ભાલાળા વચ્ચે ફી પ્રશ્ને ચર્ચા ચાલી હતી. તેવામાં મુખ્યમંત્રી, શિક્ષણમંત્રી અને શાળા સંચાલકને બિભત્સ ગાળો આપી હતી. જેની સામે પગલાની માંગ સાથે પોલીસ કમિશ્નરને રજુઆત કરવામાં આવી હતી.

રજુઆત સમયે શાળા સંચાલક મંડળના મહામંત્રી અવધેશભાઇ કાનગડ, જયદીપભાઇ જલુ, મેહુલભાઇ પરડવા, ક્રિષ્ણકાંતભાઇ ધોળકીયા, પુષ્કરભાઇ રાવલ, ભવદીપભાઇ જેઠવા, દિલીપભાઇ પાઠક, વિપુલભાઇ પાનેલીયા સહિત મોટી સંંખ્યામાં શાળા સંચાલકો જોડાયા હતા.(૪.૨૧)

(4:02 pm IST)
  • મમતા બંગાળની ચિંતા કરે, દેશની નહિં: રામ માધવઃ ભાજપ મહાસચિવ રામ માધવે પશ્ચિમ બંગાળના મુખ્યમંત્રી મમતા બેનર્જીને જણાવ્યું કે, તે દેશની નહિં પણ પોતાના રાજ્યની ચિંતા કરે : તેઓએ વધુમાં જણાવ્યું કે, 'ત્રિપુરામાં કોઈ મૂર્તિ તોડવામાં નથી આવી. આ દુષ્પ્રચાર થઈ રહ્યો છે એક ખાનગી સ્થાન પર જેને મૂર્તિ લગાવી, તેને જ દૂર કરી' : તોડફોડ તો બંગાળમાં થઈ રહી છે access_time 3:49 pm IST

  • સરકાર કુટુંબ નિયોજનને પ્રોત્સાહન આપે અને એવા પગલાં લ્યે જેથી દેશના લોકોને 2 બાળકોની પોલિસીને અનુસરવા માટે ઉત્સાહ મળે આવી માંગણી કરતી જાહેરહિતની અરજી સુપ્રીમમાં દાખલ access_time 12:07 am IST

  • વિડિયોકોન ગ્રુપના ચેરમેન વેણુગોપાલ ધૂત દેશ છોડીને ભાગી ગયા હોવાના રિપોર્ટ વહેતા થયા હતા, જો કે વેણુગોપાલે કહ્યું કે ‘આ માત્ર અફવા છે હું ભારતમાં જ છું અને દેશ છોડીને જવાનો મારો કોઇ ઇરાદો પણ નથી. હું અહ્યાં ખુશ છું અને છેલ્લા 5 વર્ષથી દેશની બહાર ગયો પણ નથી.’ ઉલ્લેખનીય છે કે વિડિયોકોન પર 20,000 કરોડનો કરજો છે. access_time 4:50 pm IST