Gujarati News

Gujarati News

News of Friday, 9th March 2018

રાજકોટમાં ટ્રાફિક સેન્સ વિકસાવવા એકશન પ્લાનઃ ૪૫ નવા સિગ્નલો

પ૦૦ વધુ સી.સી. ટી.વી. કેમેરા લગાવાશેઃ બંધ સિગ્નલો ચાલુ કરાશેઃ તમામ સિગ્નલો લીંક-અપ કરાશેઃ સેન્સરો મૂકાશેઃ મ્યુ. કમિશ્નર બંછાનિધી અને પોલીસ કમિશ્નર અનુપમસિંહ વચ્ચે યોજાયેલી બેઠકમાં લેવાયેલો મહત્વનો નિર્ણય

રાજકોટ તા. ૯ :.. શહેરમાં ટ્રાફીકની સમસ્યાં વર્ષોથી યથાવત છે. રાજકોટવાસીઓમાં ટ્રાફીક સેન્સની ઉણપ છે. તેવુ  મેણું ભાંગવા હવે મ્યુ. કમિશ્નર બંછાનીધી પાની અને પોલીસ કમિશ્નર અનુપમસિંહ ગેહલોતે કમ્મર કસી છે અને ટ્રાફીક નિયમનમાં કોઇ કસર રહી ન જાય  તે માટે એકશન પ્લાન ઘડી અને તેઓ અમલ ટૂંક સમયમાં જ શરૂ કરવા કટીબધ્ધતાં વ્યકત કરી છે.

 

આ અંગે મ્યુ. કમિશ્નર બંછાનીધી પાની વિસ્તૃત માહિતી આપતાં જણાવ્યું હતું કે શહેરમાં ટ્રાફીક સીગ્નલો છે તે બંધ છે. અને વધુ ટ્રાફીક સિગ્નલોની જરૂર છે. તેવી ફરીયાદ હંમેશા લોકોની રહી છે ત્યારે હવે નવા ૪પ જેટલા અદ્યતન ટ્રાફીક સિગ્નલો મુકવા તેમજ વધુ  પ૦૦ સી. સી. ટી. વી. કેમેરા લગાવવા અને ૪ થી પ બંધ પડેલા ટ્રાફીક સિગ્નલોને ચાલુ કરવા નિર્ણયો લેવાયા છે.

શ્રી પાનીએ જણાવ્યું હતું કે જે નવા ટ્રાફીક સિગ્નલો નંખાશે તે સેન્શરવાળા હશે એટલે કે તમામ ટ્રાફીક પોઇન્ટ  કેટલીવાર સુધી બંધ રહેશે તેનો ટાઇમ વાહન ચાલકોને દર્શાવાશે જેથી પેટ્રોલની બચત થાય  એટલુ જ નહી બધા સિગ્નલો એક બીજા સાથે લીક-અપ રહેશે જેથી એક સિગ્નલેથી બીજા સિગ્નલપર વાહન પહોંચે ત્યારે તે ખુલ્લુ રહે અને ટ્રાફીક જામ સર્જાય નહીં.

આ ઉપરાંત હાઇવે પ્રોજેકટ હેઠળ પ૦૦ જેટલા સી. સી. ટી.વી. કેમેરા પણ લગાવાશે.

હાલના બંધ ટ્રાફીક સિગ્નલો

નોંધનીય છે કે હાલમાં શહેરમાં રામદેવપીર ચોકડી, નાના મવા ચોક, રાજનગર ચોક, જામટાવર ચોક, કાંતા સ્ત્રી વિકાસ ગૃહ ચોક, ભારતી બંગલા ચોકમાં ટ્રાફીક સિગ્નલો બંધ છે. (પ-ર૬)

 

(3:59 pm IST)
  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST

  • સૌરાષ્ટ્ર યુનિવર્સીટીમાં અનામત મુદ્દે પરિપત્રની હોળી કરાઈ :જૂની પધ્ધતિ મુજબ જ અમલીકરણ ચાલુ રાખવા માંગણી :કેમ્પસ ઉપર ગ્રાન્ટ કમિશનના પરિપત્રની હોળી access_time 12:06 am IST

  • આલેલે... : યુપીની 11 માર્ચે યોજાનાર પેટાચૂંટણીમાં પ્રધાનમંત્રી મોદી અને ક્રિકેટર વિરાટ કોહલી બન્યા મતદારો : ગોરખપુરના સહજનવાંમાં મતદાર યાદીમાં નીકળ્યા નામો : વહીવટી તંત્ર થયું ઉંધા માથે : આ ગડબડી સામે આવ્યા બાદ સ્થાનીક નેતાઓ અને અધિકારીમાં મચી અફરાતફરી : ચુંટણી પંચે શરૂ કરી તપાસ access_time 4:36 pm IST