Gujarati News

Gujarati News

News of Friday, 9th March 2018

ગોંડલ ચોકડી વિસ્તારમાં પે એન્ડ યુઝ ટોયલેટ બનાવો

તંત્રને અવાર નવાર રજુઆત કરવા છતા પરિસ્થિતિ જૈસે થૈઃ વેપારીઓ દ્વારા મ્યુનિ. કમિશ્નરને રજુઆત

રાજકોટ, તા., ૯: શહેરના ગોંડલ ચોકડી વિસ્તારમાં 'પે એન્ડ યુઝ' ટોયલેટ બનાવવા વિસ્તારવાસીઓ દ્વારા તંત્રને અવાર નવાર રજુઆત કરવા છતા આ પ્રશ્રનો ઉકેલ આવ્યો નથી. આ અંગે વેપારીઓએ મ્યુનિ. કમિશ્નરને લેખીત પત્ર પાઠવી યોગ્ય કરવા માંગણી કરી છે.

આ અંગે પાઠવેલ પત્રમાં જણાવ્યું હતું કે, ગોંડલ રોડ ચોકડી પાસે 'પે એન્ડ યુઝ' ટોયલેટ બ્લોક બનાવવાની ખાસ જરૂરીયાત છે. આ સાથે લોકોની ખુબજ અવર-જવર રહેતી હોય તથા મહાનગરપાલિકાની સીટી બસ સેવા પણ ચાલુ હોય તેના કારણે લોકોની સુવિધા માટે 'પે એન્ડ યુઝ' ટોયલેટ બ્લોક બનાવવાની ખાસ જરૂરત જણાય છે આ સ્થળે સ્ત્રી/પુરૂષોને કુદરતી હાજતે જવા, યુરીનલ જવા માટે કોઇ સગવડતા નથી જેથી જયાં ત્યાં લોકો ગંદકી કરે છે. આરોગ્યને નુકશાન કરે છે તથા જાહેરમાં મર્યાદા ભંગ થાય છે. ઉપરાંત સ્વચ્છ ભારત અભિયાન હેઠળ જો આ સ્થળે 'પે એન્ડ યુઝ'ટોયલેટ બ્લોક બનાવવામાં આવે તો બધાને ખૂબજ સારી સુવિધાઓ મળી શકે અને જાહેરમાં ગંદકી પણ ન થાય અને શહેર પણ સ્વચ્છ રહે. ઉપરાંત આ વિસ્તારમાં ઘણી દુકાનો/ઓફિસો/શો રૂમ વગેરે આવેલ છે. જેથી કોઇ સુવિધા ન હોવાને કારણે લોકો ખુલ્લામાં જતા હોવાથી ખૂબજ ગંદકી થાય છે અને અગવડતા ઉભી થાય છે આ વિસ્તારમાં યોગ્ય સ્થળે એક 'પે એન્ડ યુઝ' ટોયલેટ બ્લોક બનાવવા માંગ કરવામાં આવી છે. (૧.૧૩)

 

(2:26 pm IST)
  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST

  • દુનિયાના મહાન વૈજ્ઞાનિક આઈનસ્ટાઈને 42 વર્ષની ઉંમરે તેનાથી 20 વર્ષ નાની ઉંમરની યુવતીને પ્રેમ પત્ર લખ્યો હતો. જો કે આ પ્રેમ પત્ર વિશે ભાગ્યે જ કોઈ જાણતું હશે. આલબર્ટ આઈનસ્ટાઈનના 97 વર્ષ પહેલા લખાયેલા આ પત્રની ઈઝરાયેલની રાજધાની જેરુસેલમમાં 4 લાખ રૂપિયામાં હરાજી થઈ. જો કે એલીસાબેટ્ટા પીસીની નામની એ યુવતીએ આઈનસ્ટાઈનના પ્રેમનો સ્વીકાર કર્યો નહોતો. access_time 12:41 am IST

  • એસટી બસનું છેલ્લા બે વર્ષમાં સરકારી કાર્યક્રમોમાં ભારે ઉપયોગ, તેમ છતાં ભાડાની પૂરી રકમ હજુ સુધી ચૂકવાઈ નથી : બે વર્ષમાં ૪૭૦૪૧ બસો દોડાવાઈ : પરંતુ ભાડાપેટાની ૨૨.૭૮ કરોડ જેવી રકમ ચૂકવાઈ નથી access_time 5:53 pm IST