Gujarati News

રાજકોટ તા. ૮: ધરમનગર કવાર્ટર આર.એમ.સી. હોલ પાસે આહિર યુવાન ઉપર હુમલો કરનારા પાંચ શખ્સોની યુનિવર્સિટી પોલીસે ધરપકડ કરી છે.

મળતી વિગત મુજબ શાસ્ત્રીનગર શેરી નં. ૭ માં રહેતા મહેશ વિક્રમભાઇ ચાવડાને ગત તા. ૩/૩ ના રોજ શાસ્ત્રીનગર-૩ માં રહેતો સાગર ગોવિંદ ગમારા સાથે અગાઉ થયેલ બોલાચાલીનો ખાર રાખી સાગર, રાજુ, વિપુલ અને ચાર અજાણ્યા શખ્સોફ સહિતે ધરમનગર કવાર્ટર પાસે આર.એમ.સી. હોલ નીચે પાનની દુકાન પાસે મહેશને ગાળો આપી લોખંડના પાઇપ તથા ધોકાથી મારમારી હાથ તથા પગમાં ઇજા કરી હતી અને મહેશની ઇકો કારમાં તોડફોડ કરી નુકશાન કર્યું હતું. આ બનાવમાં પીએસઆઇ પી. એ. ગલોહેલ અને રાઇટર બોઘાભાઇ સહિતે રામાપીર ચોકડી પાસે શાસ્ત્રીનગર શેરી નં. ૩નો સાગર ગોવિંદ ગમારા (ઉ.વ. રર), રૈયા ગામનો રાજુ દેવાભાઇ મુંધવા (ઉ.વ. ર૭), દ્વારકાધીશ પેટ્રોલ પંપની પાછળ મફતીયાપરાનો શૈલેષ બટુકભાઇ ગમારા (ઉ.ર૦), રૈયાધાર ઇન્દીરાનગર મફતીયાપરાનો લાલો ઉર્ફે કરમણ બાબુભાઇ ગમારા (ઉ.વ. ૧૮) અને રૈયા ગામનો રાહુલ  વીરજીભાઇ મેરીયા (ઉ.વ. ર૧) ની ધરપકડ કરી કાર્યવાહી કરી હતી.