Gujarati News

Gujarati News

News of Thursday, 8th March 2018

સ્ટેન્ડીગમાં રૂ. ૪૬.૩૫ કરોડના વિકાસ કામોને લીલી ઝંડી

વોર્ડ નં. ૮-૧ર-૧૩ નાં અર્ધા વિસ્તારોમાં ૪૦.૨૮ કરોડના ખર્ચે ૧પ થી પ૦૦ મી.મી. વોટર મીટર સપ્લાય, ફીટીંગ, મેઇન્ટેનન્શનો કોન્ટ્રાકટ આપવા, વોર્ડ નં. ૭ અને ૧૪ માં ૩૧.૭૦ કરોડના ખર્ચે ડી.આઇ. પાઇપ લાઇન નંખાવા, ગંદકી, કચરો-એંઠવાડ માટે ૩ લાખનાં ખર્ચે ખાસ નિયમો બનાવવા તથા ૮ વિસ્તારોમાં ૧.૨૫ કરોડનાં ખર્ચે પેવિંગ બ્લોક નાંખવા સહીતની ર૮ દરખાસ્તોનો નિર્ણય

રાજકોટ તા.૮  : મ્યુનિ. કોર્પોરેશનની આજે મળેલ સ્ટેન્ડીગ કમિટિ બેઠકમાં રૂ.૪૬.૩૫ કરોડના ખર્ચે શહેરનાં વિવિધ વિકાસ કામો સહિત ૨૮ દરખાસ્તોનો નિર્ણય કરવામાં આવ્યો છે.

આ અંગેની પ્રાપ્ત માહિતી મુજબ આજે બપોરે ૧૨ કલાકે સ્ટેન્ડીગ કમિટિ ચેરમેન પુષ્કર પટેલનાં અધ્યક્ષ સ્થાને મળેલ સ્ટેન્ડિગમાં વિવિધ ૨૮ દરખાસ્તોનો નિર્ણય કરવામાં આવ્યોછે. જેમાં વોર્ડ નં. ૭ અને ૧૪માં ૩૧.૭૦ કરોડના ખર્ચે ડી. આઇ. પાઇપ લાઇન નાંખવા, મ્યુ. કોર્પોરેશન દ્વારા સોલીડ વેસ્ટ મેનેજમેન્ટ ટુલ્સ હેઠળ ગંદકી, કચરો,  એંઠવાડ વગેરેનાં નિકાલ માટે પબ્લીક હેલ્થ બાયલોઝ બનાવવા માટેનું કામ ઓલ ઇન્ડીયા લોકલ સેલ્ફ ગવર્મેન્ટને આપવા આ કામ માટે ૩ લાખ ત્થા જી. એસ. ટી. સહિતનો કોન્ટ્રાકટ મંજૂર કરાયો છે.

આ ઉપરાંત વોર્ડ નં. ૧ નાં ભારતીનગર, વોર્ડ નં. ૧૦ માં સત્ય સાંઇ રોડ પર વરસાદી પાણી નિકાલ માટે, વોર્ડ નં. ૧૧ નાં હેનરી એપાર્ટમેન્ટમાં પેવીંગ બ્લોક, પાળ રોડ ઉપર પાણીની પાઇપ લાઇન નાખવા ત્થા અવધથી અંબિકા ટાઉનશીપ સુધી પેવીંગ બ્લોક નાખવા  વોર્ડ નં. ૧ર માં નંદનવન રેસીડન્સીમાં પેવીંગ બ્લોક નાખવા, વોર્ડ નં. ૮ માં કરણપાર્ક થી રઘુનાથ પાર્ક સુધી પાઇપ, ગટર નાખવા અને વોર્ડ નં. ૧૩ માં મવડી રોડથી અલ્કા સોસાયટી સુધી રોડનાં પડખામાં ૧.૨૮ કરોડનાં ખર્ચે પેવીંગ બ્લોક નાખવામાં આવશે.   મેરેથોન-હેકાથોન સહિતનાં વિવિધ કાર્યક્રમનાં રૂ. ૫૦ લાખનો ખર્ચ મંજુર કરવામાં આવ્યો છે. જયારે હેમાદ્રી એપાર્ટમેન્ટ થી અંબિકા ટાઉનશીપ સુધી રૂ. ૧.૧૯ કરોડનાં ખર્ચે કલવર્ટ અને એપ્રોચ રોડ બનાવામાં આવશે

(3:11 pm IST)
  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST

  • દુનિયાના મહાન વૈજ્ઞાનિક આઈનસ્ટાઈને 42 વર્ષની ઉંમરે તેનાથી 20 વર્ષ નાની ઉંમરની યુવતીને પ્રેમ પત્ર લખ્યો હતો. જો કે આ પ્રેમ પત્ર વિશે ભાગ્યે જ કોઈ જાણતું હશે. આલબર્ટ આઈનસ્ટાઈનના 97 વર્ષ પહેલા લખાયેલા આ પત્રની ઈઝરાયેલની રાજધાની જેરુસેલમમાં 4 લાખ રૂપિયામાં હરાજી થઈ. જો કે એલીસાબેટ્ટા પીસીની નામની એ યુવતીએ આઈનસ્ટાઈનના પ્રેમનો સ્વીકાર કર્યો નહોતો. access_time 12:41 am IST

  • સસ્પેન્ડેડ IAS અધિકારી પ્રદિપ શર્માની અટકાયતઃ સાબરમતી જેલની બહાર આવતાની સાથે જ અટકાયત : હાઈકોર્ટે હજુ ગઈકાલે જ જામીન આપ્યા હતા : વિદેશમાં હવાલા દ્વારા નાણા મોકલવામાં આવ્યાનો કેસ ચાલી રહ્યો છે access_time 3:49 pm IST