Gujarati News

Gujarati News

News of Thursday, 8th March 2018

ટ્રાફીક પોલીસનું લાંચ પ્રકરણ : વાહન ચાલકોને ફિકસ હપ્તા પેટે અપાતા પહોંચરૂપી ૫૦૦ કાર્ડ વેપારી પાસેથી કબ્જે

વેપારીના ગ્રાહકોમાં ૧૫ જેટલા ટ્રાફીક બ્રિગેડ અને ૫ થી ૭ ટ્રાફીક પોલીસ કોન્સ્ટેબલ હોવાનું ખુલ્યુ : એન્ટીકરપ્શન બ્યુરોની આગળ ધપતી તપાસ

રાજકોટ, તા. ૭ : બે દિવસ પૂર્વે ગોંડલ રોડ નજીકના ઓવરબ્રીજ ઉપર ટ્રાફીક હેડ કોન્સ્ટેબલ અને તેના મધ્યસ્થી દ્વારા માલવાહક રીક્ષાને રોકી ટ્રાફીક પોઈન્ટદીઠ રૂ.૫૦નો હપ્તો લાંચ પેટે સ્વીકારી તેના બદલામાં પહોંચરૂપી ચોક્કસ પ્રકારનું કાર્ડ આપવાના મામલે એન્ટીકરપ્શન વિભાગની તપાસ આગળ ધપી રહી છે. આજે એસીબીના નાયબ નિયામક એ.પી. જાડેજા અને પી.આઈ. કે. એચ. ગોહિલે ટ્રાફીક પોલીસ જે વેપારી પાસે કાર્ડ છપાવતી હતી તેની દુકાન પર તપાસ કરી ૫૦૦ જેટલા કાર્ડ કબ્જે કર્યા હતા.

વેપારીની પ્રાથમિક પૂછપરછમાં ૧૫ જેટલા ટ્રાફીક બ્રિગેડ અને ૫-૭ પોલીસમેન વેપારી પાસેથી કાયમી ધોરણે નંબર અને ચોક્કસ સિમ્બોલ દર્શાવતા કાર્ડ લઈ જતા હોવાનું બહાર આવ્યુ છે.

લાંચ લેતા રંગેહાથ ઝડપાયેલા હેડ કોન્સ્ટેબલ બિપીન મકવાણા અને તેના મધ્યસ્થી દિપક પરમાર હજુ આવતીકાલ સુધી રિમાન્ડ પર છે. આ દરમિયાન પોલીસમેન અને ટ્રાફીક બ્રિગેડની યાદી એસીબી દ્વારા બનાવવામાં આવશે. આવતા દિવસોમાં આ તમામની વિધિવત પૂછપરછ કરી 'ઉઘરાણા'નું 'અત્થી ઈતિ' જાળવવા એન્ટીકરપ્શન બ્યુરોના અધિકારીઓ પ્રયાસો કરશે.

(9:15 am IST)
  • સસ્પેન્ડેડ IAS અધિકારી પ્રદિપ શર્માની અટકાયતઃ સાબરમતી જેલની બહાર આવતાની સાથે જ અટકાયત : હાઈકોર્ટે હજુ ગઈકાલે જ જામીન આપ્યા હતા : વિદેશમાં હવાલા દ્વારા નાણા મોકલવામાં આવ્યાનો કેસ ચાલી રહ્યો છે access_time 3:49 pm IST

  • વિડિયોકોન ગ્રુપના ચેરમેન વેણુગોપાલ ધૂત દેશ છોડીને ભાગી ગયા હોવાના રિપોર્ટ વહેતા થયા હતા, જો કે વેણુગોપાલે કહ્યું કે ‘આ માત્ર અફવા છે હું ભારતમાં જ છું અને દેશ છોડીને જવાનો મારો કોઇ ઇરાદો પણ નથી. હું અહ્યાં ખુશ છું અને છેલ્લા 5 વર્ષથી દેશની બહાર ગયો પણ નથી.’ ઉલ્લેખનીય છે કે વિડિયોકોન પર 20,000 કરોડનો કરજો છે. access_time 4:50 pm IST

  • પાકિસ્તાનને અમેરિકાનો વધુ એક ઝટકો : 3 આતંકવાદીઓ પર જાહેર કર્યા 70 કરોડના ઈનામ : મુલ્લા ફઝલુલ્લાહ પર 5 મિલિયન ડૉલર (લગભગ 32 કરોડ રૂપિયા) અને બાકીના બંને અબ્દુલ વલી અને મનાલ વાઘ પર ત્રણ-ત્રણ મિલિયન ડોલર (એટલે કે 19-19 કરોડ)નું ઈનામ રાખવામાં આવ્યું છે. access_time 1:16 pm IST