Gujarati News

Gujarati News

News of Friday, 9th February 2018

કોઠી કમ્પાઉન્ડનો રવિ સોલંકી ૧૬ વર્ષની સગીરાનું અપહરણ કરી ગયો

પિતા બંને દિકરીને શાળાએ મુકીને નોકરીએ જતા રહ્યા'તાઃ બપોરે શાળા છુટી ત્યારે મોટી બહેન ન મળીઃ અગાઉ પડોશમાં રહેતો શખ્સ ભગાડી ગયાની ખબર પડી

રાજકોટ તા. ૯: કોઠી કમ્પાઉન્ડ કવાર્ટર  નં. ૧૧૭માં રહેતી કોળી સગીરાને પડોશમાં જ રહેતો શખ્સ લલચાવી-ફોસલાવી ભગાડી જતાં અપહરણનો ગુનો નોંધાયો છે.

 

એ-ડિવીઝન પોલીસે ૧૬ વર્ષની સગીરાના માતાની ફરિયાદ પરથી કોઠી કમ્પાઉન્ડમાં જ રહેતાં રવિ રણજીતસિંહ સોલંકી વિરૂધ્ધ આઇપીસી ૩૬૩, ૩૬૬ મુજબ ગુનો નોંધ્યો છે. ગઇકાલે સવારે સાડા સાતેક વાગ્યે સગીરા બહાર ગયા બાદ પરત ન આવતાં તપાસ કરતાં પડોશી રવિ સોલંકી પણ ગાયબ હોઇ એ જ ભગાડી ગયાની ખબર પડતાં પોલીસને જાણ કરાઇ હતી.

ફરિયાદીના કહેવા મુજબ તેને સંતાનમાં બે દિકરી અને એક દિકરો છે. જેમાં મોટી ૧૬ વર્ષની દિકરી અને નાની ૧૫ વર્ષની છે. આ બંનેને તેના પિતા ગઇકાલે સવારે આઇ પી મિશન સ્કૂલે મુકવા ગયા હતાં અને ત્યાંથી તે નોકરી પર જવા નીકળી ગયા હતાં. પણ બપોરે શાળા છૂટ્યા પછી મારી નાની દિકરીને મોટી બહેન જોવા ન મળતાં તે શિક્ષીકાને પુછવા જતાં શિક્ષીકાએ તારી બહેન આજે વર્ગમાં આવી જ નથી તેમ જણાવ્યું હતું. બાદમાં મેં મારા પતિને જાણ કરતાં અમે શોધખોળ શરૂ કરી હતી.

દોઢ વર્ષ પહેલા કોઠી કમ્પાઉન્ડમાં કવાર્ટર નં. ૧૦૮માં અમે રહેતાં હતાં ત્યારે આ લાઇનમાં રવિ સોલંકી તેના દાદા સાથે રહેતો હોઇ તેની સાથે મારી દિકરીને પરિચય થયો હતો. જેની અમને જાણ થતાં અમે કવાર્ટર બદલી નાંખ્યું હતું. આ પછી પણ રવિ અમારા કવાર્ટર પાસે આટાફેરા કરતો હતો. અમે અમારી દિકરીને શોધતા હતાં ત્યાં રવિની ફઇ અને બહેને આવીને કહેલ કે રવિ ઘરમાંથી પાટલા અને મોબાઇલ ફોન લઇ જતો રહ્યો છે, તમારી દિકરીનું ધ્યાન રાખજો તેવી વાત કરી જતાં રહ્યા હતાં. રવિ હાજર ન હોઇ મારી દિકરી સ્કૂલે ગઇ ત્યાંથી જ તેણીને ભગાડી ગયાનું અમારું માનવું છે.

પી.આઇ. વી.એન. યાદવની રાહબરીમાં પી.એસ.આઇ. વી.એન. ડોડીયાએ ગુનો નોંધ્યો છે. વધુ તપાસ પીએસઆઇ જી.એમ. રાઠવાએ હાથ ધરી છે. (૧૪.૫)

 

(12:46 pm IST)
  • સેન્સેકસમાં ૪૨૮ પોઈન્ટનો કડાકો યથાવત : નિફટી ૧૩૫ ડાઉનઃ વિદેશી શેરબજારોના ધબડકા બાદ ભારતીય બજાર શરૂઆતથી જ નીચે ખુલ્યુ access_time 11:43 am IST

  • સુનાવણીના સીધા પ્રસારણ કરવા અરજી મામલે સુપ્રીમ કોર્ટે કેન્દ્ર સરકાર પાસે માંગ્યો જવાબ :બંધારણીય અને મહત્વના રાષ્ટ્રીય મામલાની સુનાવણીનું સીધું પ્રસારણ કરવાની અરજીમાં કેન્દ્રને પોતાનો પક્ષ જણાવવા સુપ્રીમ કોર્ટે કહ્યું access_time 1:11 am IST

  • કિમ જોંગની પરમાણુ ધમકીથી અમેરીકા ચિંતીતઃ ઉત્તર કોરિયાઈ કિમ જોંગ ઉને ફરી એકવાર જણાવ્યું કે, પરમાણુ અને મિસાઈલ પરીક્ષણ કરનાર ઉત્તર કોરિયા વિશ્વ સ્તરીય સૈન્ય મહાશકિત બની ગયું છે : હવે કોઈ પણ દેશ ઉત્તર કોરિયા તરફ ખરાબ નજરથી જોશે તો તેને પરીણામ ભોગવવા માટે તૈયાર રહેવું પડશે access_time 4:12 pm IST