Gujarati News

રાજકોટ તા. ૯ :.. શહેરના વોર્ડ નં. ૧૩ માં આગામી તા. ર૭-૧ ના રોજ પેટા ચૂંટણી યોજાનાર છે ત્યારે ભારતીય જનતા પાર્ટીના ઉમેદવાર તરીકે શહેર ભાજપ દ્વારા નિતીન રામાણીને ઉમેદવાર તરીકે જાહેર કરેલ છે ત્યારે આવતીકાલે સવારે ૧૧.૩૦ કલાકે શહેરના બહુમાળી ભવન ચોક ખાતે આવેલ સરદાર વલ્લભભાઇ પટેલની પ્રતિમાને ફુલહાર કરી કાર્યકર્તાઓની વિશાળ સંખ્યામાં ઉમેદવારી પત્રક રજૂ કરશે. તેઓ ફરી આ વોર્ડ નં. ૧૩ માં કોર્પોરેટર તરીકે ચૂંટાઇ લોકસેવાને આગળ ધપાવે તે માટે આવતીકાલે ઉમેદવારી પત્રક રજૂ કરશે ત્યારે શહેર ભાજપની તમામ શ્રેણીના કાર્યકર્તાઓને સમયસર ઉપસ્થિત રહેવા કમલેશ મીરાણી, દેવાંગ માંકડ, જીતુ કોઠારી, કિશોર રાઠોડે જાહેર અનુરોધ કર્યો છે.