Gujarati News

રાજકોટઃ વિધાનસભાની ચૂંટણીમાં ફરી એક વખત ભાજપે સપાટો બોલાવી દીધો છે. કોંગ્રેસ અને 'આપ'ના સુપડાસાફ થઈ ગયા છે. ત્યારે રાજકોટની બેઠક ઉપર ભાજપે ફરી એકવખત દબદબો જાળવી રાખ્યો છે.

કોંગ્રેસને ફરી એક વખત હતાશા મળી છે. બે બેઠકો ઉપર પણ ત્રીજા ક્રમે ધકેલાયું છે. રાજકોટ ૭૦ દક્ષિણ બેઠક ઉપર રમેશભાઈ ટીલાળાને સૌથી વધુ ૧,૦૧,૭૭૪ મત મળ્યા છે. જયારે શિવલાલ બારસીયાને ૨૨,૮૭૦ મતો સાથે બીજા સ્થાને તો કોંગ્રેસના ઉમેદવાર હિતેષ વોરાને ૨૨,૫૦૭ મત સાથે ત્રીજા સ્થાને રહ્યું છે.

આ ઉપરાંત રાજકોટ ગ્રામ્ય ૭૧ બેઠક ઉપર ભાજપના ભાનુબેન બાબરીયા ૧,૧૩,૬૫૦ મત સાથે પ્રથમ, 'આપ'ના વશરામ સાગઠીયાને ૬૨,૧૬૧ મત સાથે બીજા અને કોંગ્રેસના ઉમેદવાર સુરેશ બથવાર ૨૫,૮૮૭ મત સાથે ત્રીજા સ્થાને રહેલ છે.