Gujarati News

Gujarati News

News of Friday, 9th November 2018

સદરબજારમાં પાર્ક કરાયેલ ચાર વાહનોમાં અજાણ્યા અસામાજિક તત્વોએ આગ લગાડી

આગમાં અતુલ શક્તિ રિક્ષા, એક્ટિવા, મોપડે અને એક બાઇક સળગી ગયા:

રાજકોટ : શહેરના સદર બજારમાં ઘરની બહાર પાર્ક કરાયેલા ચાર વાહનોને વહેલી સવારે કોઇ શખ્સોએ આગ લગાવી હતી. ફાયરબ્રિગેડ સ્ટાફે પાણીમારો ચલાવી આગ બુઝાવી હતી.

સદર બજારમાં ઇગલ ટ્રાવેલ્સ સામે આવેલી શેરીની બહાર પાર્ક કરાયેલા વાહનોમાં વહેલી સવારે 4.30 વાગ્યાના અચાનક આગ ભભૂકી ઊઠી હતી. વાહનો સળગતાં મકાન માલિક સાયરાબેન ફારૂકભાઇ પારેખ અને તેના પરિવારજનો તેમજ પાડોશીઓ બહાર દોડી આવ્યા હતા. આગની ઘટના અંગે જાણ કરાતા ફાયર બ્રિગેડ સ્ટાફ સ્થળ પર દોડી ગયો હતો અને પાણીમારો ચલાવી આગ બુઝાવી હતી.
  આગમાં અતુલ શક્તિ રિક્ષા, એક્ટિવા, મોપડે અને એક બાઇક સળગી ગયા હતા. બનાવ અંગે પોલીસને પણ જાણ કરવામાં આવી હતી. દિવાળીના તહેવાર પર માહોલ બગાડવા કોઇ અસામાજિક તત્ત્વોએ આગ લગાડી નુકસાન કર્યાની શંકા સેવાઇ રહી છે, પ્ર.નગર પોલીસે આ અંગે વિશેષ તપાસ શરૂ કરી હતી.

(11:41 pm IST)
  • મિઝોરમના મુખ્ય ચૂંટણી અધિકારી શશાંક દિલ્હી રવાના : ચૂંટણી પંચે સમન્સ પાઠવતા નવી દિલ્હી જવા મિઝોરમના મુખ્ય ચૂંટણી અધિકારી એસ,બી શશાંક દિલ્હી દોડ્યા : બિન સરકારી સંસ્થાને શશાંકને હટાવાની માંગ કરી રહ્યાં છે access_time 12:12 am IST

  • સુરેન્દ્રનગર : ચોટીલા હાઈ-વે પર બામણબોર પાસે કાર-બાઈક વચ્ચે અકસ્માત : 7 વ્યક્તિને ઈજા: ચોટીલાથી દર્શન કરીને પરત ફરતા સમયે અકસ્માત access_time 2:34 pm IST

  • ભાઈબીજે પેટ્રોલ ડીઝલના ભાવમાં થશે ઘટાડો :પેટ્રોલમાં 15 પૈસાનો લિટરે કરાશે ઘટાડો :ડીઝલ પણ 15 પૈસા થશે સસ્તું ;છેલ્લા કેટલાય દિવસોથી ઇંધણના ભાવમાં ઘટાડો થતો લોકોને રાહત :વૈશ્વિક બજારમાં ક્રૂડના ઘટતા ભાવનો ગ્રાહકને મળતો ફાયદો access_time 10:56 pm IST