Gujarati News

રાજકોટ, તા.૭: અવાર-નવાર વિવિધ ઉત્સવો - રાજકિય કાર્યકરો પાછળ કરોડોનો ધુમાડો કરનાર અને આ કાર્યક્રમોમાં આંગણવાડી બહેનોને ફરજીયાત બોલવનાર તંત્ર વાહકોએ આંગણવાડી વર્કર કાર્યકર બહેનોની દિવાળી બગાડી છે. કેમ કે આ બહેનોને ત્રણ-ત્રણ મહીનાની પગાર નથી અપાયો.

આ અંગે સામાજીક કાર્યકર સવજીભાઇ ફળદુએ મ્યુ.કમિશ્નરને વિસ્તૃત રજૂઆત કરતાં જણાવ્યુ છે કે 'આંગણવાડી વર્કર અને કાર્યકર બહેનોને છેલ્લા ત્રણ-ત્રણ મહીનાથી પગાર નથી અપાયો પરિણામે આ બહેનોની સાતમ-આઠમના તહેવારો તો બગડયા અને હવે દિવાળી પણ બગડી છે. આથી આ બહેનોને વહેલી તકે તેઓનો બાકી નીકળતો પગાર આપવામાં આવે તેવી માંગણી સવજીભાઇએ ઉઠાવી છે.(૨૩.૯)