Gujarati News

Gujarati News

News of Friday, 8th June 2018

શ્રીનાથજી સોસાયટીના પ્રફુલભાઇ તન્નાએ શાપર જઇ ફિનાઇલ પીધું

તેને તેના માસીનું મકાન લેવું હતું પણ એ મકાન આહિર શખ્સને લેવું હોઇ માથાકુટ થતાં કંટાળીને પગલુ ભર્યુ

રાજકોટ તા. ૮: મવડી પ્લોટ શ્રીનાથજી સોસાયટી-૩માં રહેતાં અને ફાયનાન્સ કંપનીમાં કામ કરતાં પ્રફુલભાઇ જગજીવનભાઇ તન્ના (ઉ.૪૩)એ શાપર વેરાવળના પોલીસ સ્ટેશન નજીક ફિનાઇલ પી લેતાં હોસ્પિટલમાં ખસેડાયા હતાં.

પ્રફુલભાઇ પાંચ ભાઇમાં વચેટ છે અને સંતાનમાં બે પુત્ર છે. તેના ભાઇ અરવિંદભાઇ તન્નાએ કહ્યું હતું કે ગત સાંજે પ્રફુલભાઇ અચાનક નીકળી ગયા હતાં. તેમનો ફોન લાંબા સમય સુધી રિસીવ થતો નહોતો. છેલ્લે તેણે ફોન રિસીવ કરી પોતે શાપર હોવાનું કહેતાં બધા ત્યાં જતાં તેણે ફિનાઇલ પી લીધાની ખબર પડતાં સિવિલ હોસ્પિટલમાં ખસેડ્યા હતાં. આ પાછળનું કારણ એવું છે કે અમારે અમારા માસીનું મકાન ખરીદવાનું હતું. પણ આ મકાન બીજા આહિર શખ્સને ખરીદ કરવું હોઇ તે બાબતે તેની સાથે માથાકુટ થઇ હતી. આથી અમે માસીને અમારે મકાન નથી ખરીદવું તેમ જણાવી સુથી પણ પાછી લઇ લીધી હતી. આમ છતાં હેરાનગતિ થતી હોવાથી પ્રફુલભાઇએ કંટાળીને આ પગલુ ભર્યુ હતું. તેમ અરવિંદભાઇએ વધુમાં જણાવ્યું હતું. (૧૪.૧૧)

(4:06 pm IST)
  • રૂપાણી સરકારનું વિસ્તરણ નહિં થાય : લોકસભાની ચૂંટણીની તૈયારીમાં લાગી જવા આહવાન : લોકસભા ચૂંટણી પર જરૂર જણાશે તો થશે વિસ્તરણ : હાલ નહિં થાય રૂપાણી મંત્રીમંડળનું વિસ્તરણ : કર્ણાટક ચૂંટણી બાદ હતી વિસ્તરણની આશા : હાલ વિસ્તરણ ન કરવાનો ભાજપનો નિર્ણય : લોકસભાની તૈયારીઓમાં લાગી જવા આહવાન access_time 4:01 pm IST

  • કોંગ્રેસના ૨૩ કોર્પોરેટરો સસ્પેન્ડ : પાટણના નગરપાલીકાના મેન્ડેટના ઉલ્લંધનના મામલે પ્રદેશ કોંગ્રેસ દ્વારા બાગી ૨૩ કોર્પોરેટરને સસ્પેન્ડ કરાયા access_time 4:05 pm IST

  • શનિવારે પેટ્રોલમાં લીટરે 40 પૈસા અને ડીઝલમાં 40થી 45 પૈસાનો મોટો ઘટાડો થવાની શકયતા:સતત 11માં દિવસે પેટ્રોલ ડીઝલમાં ભાવ ઘટશે:અત્યાર સુધીમાં સૌથી મોટો ઘટાડો થશે :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,33 રૂપિયા અને ડીઝલનો ભાવ લિટરે 73,42 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 11:25 pm IST