Gujarati News

Gujarati News

News of Thursday, 8th April 2021

કોરોના સ્થિતિ બેકાબુ : દવાઓ ખાલી - ટેસ્ટીંગ કીટ ખાલી : હોસ્પિટલો ફુલ

મ.ન.પા.ના આરોગ્ય કેન્દ્રોમાં કોરોના માટેની ફેવીપીરવીર દવાનો સ્ટોક ખાલી : ટેસ્ટીંગ બુથ ઉપર પણ કીટ અને દવાની અછત : કેટલાક સ્થળે વેકસીનનો સ્ટોક પણ ખાલી : તંત્ર વાહકો લાચારીની સ્થિતિમાં : પ્રજા ભગવાન ભરોશે

ટેસ્ટીંગ બુથ પર લોકોના ટોળા : કોરોનાથી બેફામ સ્થિતિ દર્શાવતી આ તસ્વીરમાં કેકેવી ચોક ખાતે કોરોના ટેસ્ટ માટે લોકોએ લાઇનો લગાવી હતી તે નજરે પડે છે. (તસ્વીર : સંદિપ બગથરીયા)

રાજકોટ તા. ૮ : શહેરમાં છેલ્લા બે દિવસથી કોરોના સંક્રમણની સ્થિતિ અત્યંત ગંભીર બનતી જાય છે. એટલી ઝડપથી સંક્રમણ વધવા લાગ્યું છે કે, હવે તંત્ર પહોંચી શકતું નથી. છેલ્લા ત્રણ દિવસથી ટેસ્ટીંગ માટેની એન્ટીજન કીટ ખાલી થઇ ગઇ છે. અને હવે આજથી તો કોરોનાના દર્દીઓ માટેની એન્ટી વાયરલ દવા ફેવીપીરવીર નામની દવાઓનો સ્ટોક ખાલી થવા લાગ્યો છે.

આજે કેકેવી ચોક, રૈયા ચોકડી વગેરે સ્થળે એન્ટીજન કીટની ટેસ્ટીંગના કેમ્પ ચાલુ કરાયા છે ત્યાં લોકોની લાઇનો સવારથી લાગી રહી છે અને બપોર સુધીમાં ટેસ્ટીંગ કીટ ખાલી થઇ જાય છે.

એટલુ઼ જ નહી હવે ટેસ્ટીંગની છાવણીમાં પોઝિટિવ આવનાર દર્દીઓને આપવામાં આવતી દવાઓનો સ્ટોક ખાલી થઇ જતા દર્દીઓને આરોગ્ય કેન્દ્રોમાં ધકેલાય છે પરંતુ આરોગ્ય કેન્દ્રમાં પણ દવાઓની અછત છે અને ટેસ્ટીંગ કીટ પણ અપૂરતી હોવાની ફરિયાદો છે.

જ્યારે કોરોના કાબુમાં હતો ત્યારે રોજના ૧૫ હજાર અને હવે માત્ર ૮ હજાર ટેસ્ટીંગ

દરમિયાન હાલમાં કોરોનાના ટેસ્ટીંગમાં પણ તંત્ર ઉણુ ઉતરી રહ્યું છે. કેમકે સપ્ટેમ્બરમાં જ્યારે કોરોના કાબુમાં હતો ત્યારે રોજના ૧૫ હજાર ટેસ્ટીંગ થતા હતા અને હવે કોરોના બેફામ છે ત્યારે ૮ થી ૯ હજાર ટેસ્ટ જ થાય છે.

(4:21 pm IST)
  • મધ્યપ્રદેશના તમામ શહેરોમાં રાત્રી કર્ફ્યુ : દર રવિવારે લોકડાઉન : છીંદવાડા જિલ્લામાં સાત દિવસ સુધી સંપૂર્ણ લોકડાઉન લાગુ : શાજાપુરમાં રાત્રે 8 વાગતાથી બે દિવસ માટે સંપૂર્ણ લોકડાઉન લાગુ : તમામ સરકારી ઓફિસો મહિના સુધી સપ્તાહમાં પાંચ દિવસ ખુલશે. મુખ્યમંત્રી શિવરાજ સિંહ ચૌહાણની અધ્યક્ષતામાં યોજાયેલી બેઠકમાં લેવાયો નિર્ણંય access_time 12:39 am IST

  • દેશમાં કોરોનાના કેસમાં ભયંકર ઉછાળો : અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 .74 લાખને પાર પહોંચ્યો :વધુ 802 દર્દીઓના મોત: રાત્રે 11 વાગ્યા સુધીમાં કોરોનાના નવા 1,31,787 કેસ નોંધાયા :કુલ કેસની સંખ્યા 1,30,57,863 :એક્ટિવ કેસ 9,74,174 થયા વધુ 61,797 દર્દીઓ સ્વસ્થ થતા કુલ 1,19,10, 709 થયા :વધુ 802 લોકોના મોત સાથે કુલ મૃત્યુઆંક 1,67,694 થયા: દેશમાં સૌથી વધુ મહારાષ્ટ્રમાં નવા 56,286 નવા કેસ નોંધાયા access_time 12:58 am IST

  • ભાજપના વધુ એક ધારાસભ્યને કોરોના વળગ્યો : વડોદરા ભાજપના ધારાસભ્ય મનીષા વકીલને કોરોના પોઝિટિવ આવ્યો છે. access_time 4:14 pm IST