Gujarati News

Gujarati News

News of Monday, 8th March 2021

રૈયાધારના નટુભાઇએ જુના મિત્ર અનવર સમાને ઉછીના પૈસા ન દેતાં છરી ઝીંકાઇ

ઘરે આવી ગાળો દઇ લાફા માર્યા ને જ્ઞાતિ પ્રત્યે અપમાનીત પણ કર્યાની યુનિવર્સિટી પોલીસ મથકમાં ફરિયાદ નોંધાવાઇ

રાજકોટ તા. ૮: રૈયાધારમાં રહેતાં પ્રોૈઢે પોતાની પાસે ઉછીના પૈસા માંગનાર જુના મિત્રને પૈસા ન દેતાં તેણે ગાળો દઇ ઝાપટો મારી બેઠકના ભાગે છરી ઝીંકી દેતાં સારવાર લેવી પડી હતી.

આ બનાવ અંગે યુનિવર્સિટી પોલીસે રૈયાધાર મફતીયાપરા રાણીમા રૂડીમા ચોકમાં રહેતાં અને મજુરી કરી ગુજરાન ચલાવતાં નટુભાઇ વિરજીભાઇ પરમાર (ઉ.વ.૫૦)ની ફરિયાદપ રથી તેના જ જુના મિત્ર અનવર સમા સામે આઇપીસી ૩૨૩, ૩૨૪, ૫૦૪, એટ્રોસીટી એકટ સહિતની કલમો હેઠળ ગુનો નોંધ્યો છે.

નટુભાઇના કહેવા મુજબ હું રૈયાધારમાં પચ્ચીસ વર્ષથી રહુ છું. મારે બે દિકરી અને એક દિકરો છે. મારા પિતા કાલાવડના વિરવાવ ગામે રહે છે. રવિવારે બપોરે હું એકલો હતો ત્યારે જુનો મિત્ર અનવર આવેલો. તેને હું દસ વર્ષથી ઓળખું છું. તે અગાઉ રૈયાધારમાં જ રહેતો હતો. તેણે મારી પાસે હાથ ઉછીના રૂ. ૫૦૦૦ માંગતા મેં તેને હાલમાં મારી પાસે પૈસા ન હોઇ દેવાની ના પાડતાં તે એકમદ ઉશ્કેરાઇ ગયો હતો અને ગાળો દેવા માંડ્યો હતો. ગાળો બોલવાની ના પાડતાં તેણે મને ગાલ પા ઝાપટો મારી દીધી હતી. એ પછી નેફામાંથી તેણે છરી કાઢતાં હું ભાગવા જતાં મને બેઠકના ભાગે ડાબી સાઇડમાં ઘા ઝીંકી દીધો હતો.

હુમલો કરી તે ભાગી ગયો હતો. મેં ૧૦૮ બોલાવી હતી અને હોસ્પિટલે પહોંચ્યો હતો. માર મારી ગાળો દઇ જ્ઞાતિ પ્રત્યે અપમાનીત પણ કર્યો હતો. પીએસઆઇ બી. જી. ડાંગરે તેની ફરિયાદ પરથી ગુનો નોંધ્યો છે.

(3:19 pm IST)
  • પેટ્રોલ-ડીઝલના ભાવ ફરી વધશે? : બ્રેન્ટ ક્રૂડ ઓઇલ બેરલના ૭૧ ડોલરની વિક્રમ સપાટીએ પહોંચ્યું છે. પેટ્રોલ-ડીઝલના ભાવો ફરી વધવા સંભવ access_time 2:59 pm IST

  • સરસ્વતી દેવી (મુળનામ ખોરશેદ મીનોચેર હોમજી) ભારતીય સીને ઉદ્યોગના પહેલા સંગીત નિર્દેશક હતા. તેમણે ૧૯૩૬માં ''અછૂત કન્યા'' સહિત ઘણી ફિલ્મોમાં સંગીત આપ્યુ હતું. access_time 3:00 pm IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 11 વાગ્યા સુધીમાં કોરોનાના નવા 18, 433 કેસ નોંધાયા :કુલ કેસની સંખ્યા 1,12,29,054 થઇ :એક્ટિવ કેસ 1,85,932 થયા વધુ 14,051 દર્દીઓ સ્વસ્થ થતા કુલ 1,08,80,628 થયા :વધુ 86 લોકોના મોત સાથે કુલ મૃત્યુઆંક 1,57,879 થયા: દેશમાં સૌથી વધુ મહારાષ્ટ્રમાં નવા 11.141 નવા કેસ નોંધાયા access_time 12:05 am IST