Gujarati News

Gujarati News

News of Saturday, 8th February 2020

1BHK ૫૪૨ ફલેટ માટે ૧૦ હજાર ફોર્મ ઉપડયા

મ્યુ. કોર્પોરેશન દ્વારા અંબિકા ટાઉનશીપ વિસ્તારમાં પ્રધાનમંત્રી આવાસ યોજના : ૧૫ ફેબ્રુઆરી સુધી વિતરણ : છેલ્લા ૭ દિ'માં ૫૦૫ ફોર્મ પરત આવ્યા : તંત્રને રૂ. ૧૦.૫૭ લાખની આવક

રાજકોટ તા. ૮ : મ્યુ. કોર્પોરેશન દ્વારા શહેરીજનો માટે પ્રધાનમંત્રી આવાસ યોજના હેઠળ નાનામૌવા, યુનિવર્સિટી રોડ, મવડી, ૧૫૦ ફુટ રીંગ રોડ સહિતના વિસ્તારમાં ૧થી ૩ બીએચકે ફલેટની આવાસ યોજના નિર્માણ કરવામાં આવી રહી છે. જેમાં મવડી ખાતે ૫૪૨ - ૧બીએચકે આવાસોના ફોર્મનું વિતરણ ૧ ફેબ્રુઆરીથી શરૂ કરવામાં આવ્યું હતું. છેલ્લા સાત દિવસમાં ૧૦,૫૭૪ ફોર્મ ઉપડયા છે. જેની સામે ૫૦૫ ફોર્મ પરત આવ્યા છે.

આ અંગેની પ્રાપ્ત માહિતી મુજબ પ્રધાનમંત્રી આવાસ યોજના અંતર્ગત રાજકોટ મ્યુ. કોર્પોરેશન દ્વારા ૧ થી ૩ બીએચકે ફલેટ યોજના અંતર્ગત અનુક્રમે ૫૪૨, ૧૨૬૮ અને ૧૨૬૮ મળી કુલ ૩૦૭૮ આવાસોનું નિર્માણ કરવામાં આવી રહ્યું છે. જેમાં અંબિકાટાઉનશીપ, મવડી વિસ્તારમાં ઇડબલ્યુએસ-૨નાં ૫૪૨ આવાસો માટેના ફોર્મનું વિતરણ ૧ ફેબ્રુઆરીથી ૧૫ ફેબ્રુઆરી સુધીમાં શહેરની આઇસીઆઇસીઆઇ બેંકની તમામ બ્રાંચ તથા મ્યુ. કોર્પોરેશનના સિવિક સેન્ટરોમાંથી થયું રહ્યું છે.

છેલ્લા સાત દિવસ એટલે કે તા. ૭ સુધીમાં સિવિક સેન્ટરમાંથી ૨૮૮૯ અને આઇસીઆઇસીઆઇ બેંકમાંથી ૭૬૭૬ સહિત કુલ ૧૦,૫૭૪ ફોર્મ ઉપડયા છે. આ ફોર્મની કિંમત રૂ. ૧૦૦ લેખે તંત્રને ૧૦.૫૭ લાખની આવક થવા પામી છે. ઇડબલ્યુએસ-૨નાં ૫૪૨ આવાસોના સાત દિવસમાં ૧૦ હજાર જેટલા ફોર્મ ઉપડયા છે પરંતુ તેની સામે ૫૦૫ ફોર્મ પરત આવ્યા છે.

(3:32 pm IST)
  • દિલ્હીમાં 11 વાગ્યા સુધીમાં 8.24 મતદાન : રાષ્ટ્રપતિ રામનાથ કોવિંદ, કેજરીવાલ , સોનિયા ગાંધી સહિતના દિગ્ગજોએ મતદાન કર્યું: પ્રિયંકા ગાંધી વાડ્રાએ પણ કર્યું વોટિંગ : દિલ્હીની રાજનીતિમાં ભાજપ અને આપ સાથે કોંગ્રેસના અસ્તિત્વથી ત્રિકોણીયો જંગ : સમગ્ર દેશની નજર દિલ્હી વિધાનસભાના પરિણામ પર : access_time 11:51 am IST

  • પાકિસ્તાનમાં વર્ષોથી બંધ પડેલું પ્રાચીન મંદિર હિંદુઓને પરત સોંપાયું : મુસ્લિમ ધર્મગુરુઓ ,સરકારી અધિકારીઓ ,તેમજ હિન્દૂ અને શીખ આગેવાનોની ઉપસ્થિતિમાં બલુચિસ્તાનના જોબ જિલ્લામાં આવેલા મંદિરની ચાવી સોંપતી વખતે સમારોહનું આયોજન કરાયું : મંદિરમાં ચાલતી પ્રાથમિક શાળા અન્ય જગ્યાએ ખસેડાશે . access_time 8:35 pm IST

  • જામનગરમાં હોટેલમાં રૂમ ભાડે રાખી ચાલતા વેશ્યાવૃતિના નેટવર્ક નો પર્દાફાશ : પોલીસના દરોડામાં એક મહિલા , એક ગ્રાહક અને સંચાલકની ધરપકડ : જો કે મુખ્ય સંચાલક હાજર નહીં મળતા ફરાર જાહેર: સીટી બી-ડિવીઝન PI રાઠોડ સહિતના સ્ટાફે દરોડો પાડ્યો access_time 12:32 am IST