Gujarati News

Gujarati News

News of Wednesday, 8th January 2020

સંતકબીર રોડ પર આવાસ યોજનાની ૨૩ દુકાનોની હરરાજીઃ કોર્પોરેશનને ૩.૯ કરોડની ધીંગી આવક

૧૨.૪૦ લાખની બોલી સામે ૧૫.૪૦ લાખ ૧ દુકાનનાં ઉપજતાઃ ૩૦ લોકોએ હરરાજીમાં ભાગ લીધો

રાજકોટ,તા.૮: મ્યુ.કોર્પોરેશન દ્વારા આજે શહેરમાં સંત કબીર રોડ પર આવેલ રાજીવ આવાસ યોજનાંમાં શોપીગ સેન્ટરમાં આવેલ ૨૩ દુકાનોનું વેચાણ હરરાજી મારફત કરાવેલ જેમાં તેમને ૩.૯ કરોડની ધીંગી આવક આવક થઇ હતી.

આ અંગે સતાવાર યાદીમાં જણાવાયા મુજબ રાજકોટ મહાનગરપાલિકા દ્વારા સંત કબીર રોડ પર બનાવવામાં આવેલ રાજીવ આવાસ યોજનામાં આવેલ દુકાનોની આજે તારીખૅં ૦૮-૦૧-૨૦૨૦ ના રોજ જાહેર હરરાજી કરવામાં આવી હતી. કુલ ૨૩ દુકાનોનું હરરાજી દરમ્યાન વેંચાણ થયેલ છે. આ દુકાનોની હરરાજીથી મહાનગરપાલિકાને કુલ ૦૩.૦૯ કરોડની આવક થયેલ છે. આ હરરાજીમાં એક દુકાનની હાઈએસ્ટ કીમત ૧૫.૪૦ લાખ મળેલ છે, જેમાં અપસેટ પ્રાઈસ ૧૨.૪૦ લાખ રાખવામાં આવેલ હતી.

આ જાહેર હરાજી તમામ અરજદારો માટે રાખવામાં હતી. જેમાં ૩૦ અરજદારોએ ભાગ લીધો હતો. હરરાજીમાં ભાગ લેવા માટે એક લાખ રૂપિયા ડીપોઝીટ રાખવામાં આવી હતી. જે અરજદારોએ રૂ. એક લાખ રોકડાં અથવા બેંક ડીમાન્ડ ડ્રાફટથી ડીપોઝીટ ભરી હરરાજીમાં ભાગ લીધો હતો. ડીપોઝીટની રકમ હરરાજી પુર્ણ થયે સ્થળ ઉપર જ પરત આપવામાં આવી હતી.

(4:16 pm IST)
  • મુંબઈના વિશ્વવિખ્યાત શ્રી સિધ્ધી વિનાયક ગણપતિ મંદિર ટ્રસ્ટએ, પુલવામામાં શહીદ થયેલા ૪૦ જવાનોના પરિવાર માટે રૂ. ૫૧ લાખની રકમ મહારાષ્ટ્રના મુખ્યમંત્રી ઉદ્ધવ ઠાકરે ને એક સમારોહમાં અર્પણ કરી હતી અને એક ઉત્કૃષ્ટ ઉદાહરણ બેસાડ્યું હતું. access_time 10:31 pm IST

  • ઈરાન, અમેરિકા સાથેના તણાવને ઘટાડવા માટે ભારત દ્વારા થનાર કોઈ પણ શાંતિ પહેલને આવકારશે : ભારતના ઈરાન રાજદૂત, અલી ચેગેની access_time 1:35 pm IST

  • મુખ્યપ્રધાન વિજય રૂપાણીએ તાકીદની બેઠક બોલાવી છે. આવતીકાલે સીએમ નિવાસ સ્થાને બેઠક મળશે. એસસી, એસટી અને ઓબીસી ઉપરાંત જીએડીના અધિકારીઓ, કાયદાવિદોની બેઠક બોલાવી છે. માલધારીઓ અને એલઆરડીની મહિલાઓનો પ્રશ્ન બાબતે બેઠકમાં ચર્ચા કરવામાં આવશે. access_time 9:27 pm IST