Gujarati News

Gujarati News

News of Saturday, 7th December 2019

રાજકોટની ૮ વર્ષીય દુષ્કર્મનો ભોગ બનેલી બાળાને કલેકટર તંત્ર દ્વારા સહાયનો ધોધ

વિકટીમ કોમ્પેશેસન એકટ હેઠળ રૂ.૧૦.૫૦ લાખ જાહેરઃ રૂ.૨.૬૨ લાખનો ચેક પરિવારને અપાયો : ટ્રેઈની અધિકારીઓ અને પોલીસ ખાતું પણ કુલ ૨.૪૦ લાખની સહાય આપશે

રાજકોટ,તા.૭: શહેરના આજી ડેમ ચોકડી પાસે પરપ્રાંતિય મજુરની ૮ વર્ષીય પુત્રીને ઉપાડી જઈ હેવાનિયત આચરનાર ઢગા ઉપર ચોતરફથી ફિટાકાર વરસી રહ્યો છે. ત્યારે ગરીબ પરિવારની રાજકોટની ઓળખ અને સંવેદના પ્રમાણે મદદ કરવા કલેકટર દ્વારા ગઈકાલે સહાય માટેની મિટીંગ બોલાવવામાં આવી હતી.

આ મિટીંગ કલેકટરશ્રી રમ્યા મોહનના અધ્યક્ષ સ્થાને મળી હતી. જેમાં શહેરના પોલીસ કમિશ્નરશ્રી મનોજ અગ્રવાલ, ડીએસપી, પ્રાંત અધિકારીઓ વગેરે હાજર રહેલ. કલેકટરશ્રીએ વિકટીમ કોમ્પેશેશન એકટ હેઠળ બાળકીના પરિવાર માટે ૧૦.૫૦ લાખની સહાય જાહેર કરી હતી. પૂર્વ મામલતદારશ્રી જનકાંત દ્વારા પરિવારને સહાયની ૨૫ટકા રકમ રૂ.૨.૬૨ લાખનો ચેક પણ આપી દેવામાં આવ્યો છે. આ ઉપરાંત કલેકટર તંત્રના ટ્રેઈની અધિકારીઓ દ્વારા રૂ.૧.૭૦ લાખ અને પોલીસ વિભાગ દ્વારા પણ વધારાના ૭૦ હજારની સહાય જાહેર કરવામાં આવી હતી.

(1:06 pm IST)
  • હીરાનગર-પૂંછમાં તોપગોળોનો વરસાદઃ બેબાકળી બનેલા પાકિસ્તાની લશ્કર સતત યુધ્ધવિરામ ભંગ કરી રહી છેઃ એલઓસી ઉપર સૈનિકોનો ખડકલો : છેલ્લા થોડા દિવસોમાં પોતાના અનેક સૈનિકોનો સફાયો થતા પાકિસ્તાની સૈના ખળભળી ગઇ છે. અને સતત સીઝ ફાયર ભંગ કરી રહી છે. ગઇકાલથી જ પાકિસ્તાન તરફથી હિરાનગર અને આજે પૂંછમાં બેફામ-લગાતાર તોપગોળો વરસાવી રહેલ છે. સરહદ ઉપર લગાતાર સૈનિકો ખડકી રહેલ છે. સાબ્જિયાં, શાહપુર, કિરની, બાલાકોટ, તારકુંડી, હમીરપુર, બલનોઇ, લામ, ઝંગડ, ભવાની, કલાલ, સેકટરોમાં મોટી હિલચાલ જોવા મળે છે. access_time 4:29 pm IST

  • પોરબંદરમાં સાંજે વાદળી વરસી ગઇ : પોરબંદરઃ આજે ૬ વાગ્યા બાદ એક વાદળી વરસી ગયેલ અને માત્ર રોડ ભીના થયેલ હતા. શહેરમાં સવારથી ધાબળીયું વાતાવરણ છે. access_time 8:23 pm IST

  • ઉત્તર પ્રદેશના કાનપુર ખાતે ૧૭ વર્ષની સગીર વયની યુવતી ઉપર ગેંગરેપ થયા બાદ તેણે આત્મહત્યા કરી જીવ આપી દેતા ખળભળાટ access_time 10:03 pm IST