Gujarati News

Gujarati News

News of Friday, 7th December 2018

ભકિતનગર પોસ્ટ ઓફીસના ઉચાપત કેસમાં કારકૂનને ત્રણ વર્ષની સજા અને ૧પ હજારનો દંડ

ર૮ વર્ષ પહેલાના કેસમાં જયુ.મેજી. દવેએ આપેલ ચુકાદો

રાજકોટ, તા. ૭ :  અત્રે ભકિતનગર પોસ્ટ ઓફીસમાં નાની બચત વિભાગમાં નોકરી કરતા કારકૂન વિનોદગીરી જમનાગીરી ગોસ્વામીને ઉચાપત કેસમાં અદાલતે ત્રણ વર્ષની સજા ફરમાવી હતી.

આ અંગેની વિગત એવી છે કે, અત્રેના ગોંડલ રોડ ઉપર આપેલ પી. એન્ડ ટી. કોલોનીમાં રહેતા અને ભકિતનગર પોસ્ટ ઓફીસમાં નાનીબચત વિભાગમાં ફરજ બજાવતાં વિનોદગીરી જમનાગીરી ગોસ્વામીએ રૂ. ૧૬૦૦૦ની ઉચાપત કરતા પોલીસમાં ફરીયાદ નોંધાઇ હતી.

ફરીયાદની વિગત મુજબ રેલ્વેમાં નોકરી કરતાં આર.સી. ત્રિવેદીએ પોસ્ટ ઓફીસમાં  જમા કરાયેલ રૂ. ૧૬ હજાર તેની પાસબુકમાં જમા બતાવેલ પરંતુ લોગબુક ટ્રાન્જેકશનમાં તેની એન્ટ્રી કરેલ ન હોય આરોપીઓ સદરહું રકમની ઉચાપત કર્યાનું ખુલ્યું હતું.

આ બનાવ અંગે પોલીસે આરોપીની ધરપકડ કરીને કોર્ટમાં ચાર્જશીટ રજૂ કર્યુ. હતું. આ બનાવ અંગે તા. ૯-૮-૯૦ના રોજ ફરીયાદ થયેલ હતી.

આ કેસ ચાલતાં સરકાર પક્ષે એ.પી.પી. સી.પી. ત્રિવેદીએ રજૂઆત કરેલ કે આરોપી વિરૂદ્ધ પ્રથમ દર્શનીય રેકર્ડ આધારીત ગુનો છે. સાહેદોની જુબાની તેમજ રજૂ થયેલ પુરાવાને ધ્યાને લઇને મ્યુ. મેજી. શ્રી પી.એન. દવેએ આરોપીને ત્રણ વર્ષની સજા અને ૧પ હજારનો દંડ ફટકાર્યો હતો.

આ કામમાં સરકાર પક્ષે એ.પી.પી. સી.પી. ત્રિવેદી રોકાયા હતા. (૯.૧૪)

(3:54 pm IST)
  • સોહરાબુદ્દીન એન્કાઉન્ટર કેસનો ૨૧મી ડિસેમ્બરે સ્પેશિયલ CBI કોર્ટમાં સંભળાવાશે ચુકાદો access_time 3:50 pm IST

  • દિલ્હી : ભાગેડુ વિજય માલ્યાને સુપ્રીમનો ઝટકો:સુપ્રીમે વિજય માલ્યાની અરજી ફગાવી: માલ્યાએ તેને ભાગેડુ જાહેર કરવાની કામગીરી પર સ્ટે મુકવાની માંગ કરી હતી :ઇડીએ માલ્યા સામે શરૂ કરી છે ભાગેડુ જાહેર કરવાની કાર્યવાહી access_time 3:18 pm IST

  • વડોદરા :સ્કૂલ કમ્પાઉન્ડમાં સ્કૂલવાનમાં આગ :સ્કૂલવાનમાંથી વિદ્યાર્થીઓને ઉતારી લેવાયા :સદનસીબે કોઈ અનિચ્છનીય ઘટના ન બની :પાદરા ફાયરવિભાગે આગ પર કાબૂ મેળવ્યો :પાદરાની ડી.ડી. પટેલ શારદા હાઈસ્કૂલની ઘટના access_time 3:30 pm IST