Gujarati News

Gujarati News

News of Friday, 7th December 2018

કેવડાવાડીમાં રોશન સોલંકીને 'સામુ કેમ જોવે છે ?' કહી અજીતસિંહ સહિતે માર માર્યો

અજીતસિંહ રાજપૂત તેનો ભાઈ અને ભત્રીજા સામે ગુનો

રાજકોટ, તા. ૭ :. કેવડાવાડીમાં પાનની દુકાને પાન ખાવા ગયેલા નેપાળી યુવાનને કેવડાવાડીના ત્રણ શખ્સોએ 'સામુ કેમ જોવે છે ?' કહી માર માર્યાની ફરીયાદ થઈ છે.

મળતી વિગત મુજબ યાજ્ઞિક રોડ પર એકતા એપાર્ટમેન્ટના પાર્કિંગમાં રહેતો નેપાળી યુવાન રાત્રે કેવડાવાડી શેરી નં. ૨માં આવેલ ડીલક્ષ પાન નામની દુકાને પાન ખાવા ગયો હતો. બાદ દુકાન પાસે ઉભો હતો ત્યારે કેવડાવાડીમાં રહેતો અજીતસિંહ રાજપૂત તેનો ભાઈ જે સાહેબ નામથી ઓળખાય છે તેના પુત્ર સાથે ત્યાં ઉભા હતા. બાદ અજીતસિંહના ભાઈએ તેની પાસે આવી 'કેમ સામુ જોવે છે ?' કહી ગાળો આપતા રોશને ગાળો આપવાની ના પાડતા અજીતસિંહ સહિત ત્રણ શખ્સોએ ઉશ્કેરાઈને ધોકા વતી માર મારી હાથે તથા માથાના ભાગે ઈજા કરી નાસી ગયા હતા. દેકારો બોલતા આસપાસના લોકો એકઠા થઈ જતા નેપાળી યુવાનને સારવાર માટે સિવિલ હોસ્પીટલમાં ખસેડાયો હતો. આ બનાવ અંગે ભકિતનગર પોલીસે રોશન સોલંકીની ફરીયાદ પરથી ત્રણેય શખ્સો વિરૂદ્ધ ગુનો દાખલ એએસઆઈ અમીતાબેન  બકુત્રાએ  તપાસ  આદરી છે.(૨-૮)

(3:38 pm IST)
  • ગુજરાત કેડરના આઇપીએસ અધિકારી અતુલ કરવાલની બઢતી :સીઆરપીએફમા આઈજી તરીકે ફરજ બજાવી રહેલા કરવાલ ન એડિશનલ ડિજી તરીકે અપાઈ બઢતી : હાલ CRPF મા આઈજી તરીકે ડેપ્યુટશન પર છે અતુલ કરવાલ. access_time 9:52 pm IST

  • ભારતના ચિફ ઇકોનોમિક એડ્વાઇઝર તરીકે ક્રિષ્નામૂર્થી સુબ્રમનિયમની નિમણુંક : IIT/IIM પૂર્વ ટોપ રેન્કિંગ સ્ટુડન્ટ તથા અમેરિકાના શીકાગોમાંથી Ph.D ડિગ્રી મેળવી હૈદ્રાબાદની બિઝનેસ સ્કૂલમાં એક્ઝિક્યુટિવ ડિરેક્ટર તરીકે સેવાઓ આપતા ક્રિષ્નામૂર્થી 3 વર્ષ માટે દેશના ચીફ ઇકોનોમિક એડવાઈઝર તરીકે સેવાઓ આપશે access_time 5:46 pm IST

  • જાતીય સતામણી કેસમાં ધરપકડ થયેલ મીકાસિંહનો સંયુક્ત આરબ અમીરાતમાં છુટકારો :17 વર્ષીય બ્રાઝીલીયન મોડલને વાંધાજનક ફોટા મોકલવાના કથિત ફરિયાદ બાદ ગાયક મીકાસિંહની ધરપકડ કરાઈ હતી :તેને બોલીવુડની ફિલ્મમાં કામ અપાવી દેવાનો પણ વાયદો કર્યો હતો :અબુધાબીના રાજદૂતના હસ્તક્ષેપ બાદ મીકાસિંહને મુક્તિ મળી ;હવે બાદમાં અદાલતમાં રજૂ થશે :મીકાસિંહની દુબઈમાં ધરપકડ કરાઈ હતી : ફરિયાદકર્તા પાસે અબુધાબીના વિઝા હોવાથી મીકાસિંહને અબુધાબી લઇ જવાયો હતો access_time 12:43 am IST