Gujarati News

Gujarati News

News of Friday, 7th December 2018

૧૫ હજારમાં વેંચેલા 'પોપટ' પાછા માંગી દિપકને શકિત ઉર્ફ ટબૂડી અને લખને છરીના ઘા ઝીંકયા

રાજકોટ તા. ૬: ચુનારાવાડ શેરી નં. ૪માં રહેતાં દિપક બચુભાઇ જાડા (ઉ.૪૨) નામના કોળી યુવાન પર નામચીન શકિત ઉર્ફ ટબૂડી અને તેના મિત્ર લખને છરીથી હુમલો કરી ઇજા કરતાં સારવાર માટે સિવિલ હોસ્પિટલમાં દાખલ થયો છે.

દિપક લોહીલુહાણ હાલતમાં સિવિલ હોસ્પિટલમાં દાખલ થતાં થોરાળા પોલીસને જાણ કરવામાં આવી હતી. દિપક છુટક ડ્રાઇવીંગ કરે છે. તેના કહેવા મુજબ તેના ભાઇ સુરેશે અગાઉ લખન પાસેથી રૂ. ૧૫ હજારમાં રાજપીપળાના બે પહાડી પોપટ ખરીદ કર્યા હતાં. આ પોપટ આજે લખન અને શકિત પાછા માંગવા માટે સુરેશ પાસે આવ્યા હતાં અને તેની સાથે ઝઘડો શરૂ કર્યો હતો. જેમાં પોતે છોડાવવા વચ્ચે પડતાં પોતાના પર છરીથી હુમલો કરવામાં આવ્યો હતો. હુમલાખોરો પૈકીનો શકિત અગાઉ અનેક ગંભીર ગુનાઓમાં પોલીસ ચોપડે ચડી ચુકયો છે. ફરી એક વખત મિત્ર સાથે મળી ફરીથી હુમલો કર્યો છે. થોરાળા પોલીસ મથકના એએસઆઇ ગોકુળભાઇ વાસાણીએ  દિપકની ફરિયાદ નોંધવા તજવીજ કરી હતી.

(3:33 pm IST)
  • છોટાઉદેપુર ખાતે આવેલી લાંચ રૂશ્વત કચેરી માં ઘરફોડ ચોરી થઈ છેતસ્કરો દરવાજા ના ન્કુચા તોડી ઑફિસ માં પ્રવેશી તીજોરી માંથી 55, 000 રોકડા પાવડર વાળી નોટો લઇ ગયા છેતેમજ ગુનાના કામે વપરાયેલ કવર જેમા લાંચ રૂશ્વત માં પકડાયેલા આરોપી ઓ ના જવાબના કવરો પણ ફાડી ને લઇ ગયા છે access_time 3:56 pm IST

  • રાજસ્થાનઃઈવીએમથી પરેશાન મોદીના મંત્રી મેઘવાલઃ સાડા ત્રણ કલાક લાઈનમાં ઉભા રહ્યા બાદ મતદાન કરી શકયા :૮ વાગ્યાના ઉભા'તા ૧૧.૩૦ કલાકે વારો આવ્યો access_time 3:28 pm IST

  • રોબર્ટ વાડ્રા વિરુદ્ધ બદલાની ભાવનાથી કામ કરી રહી છે મોદી સરકાર :વાડ્રા વિરુદ્ધ ઇડીની કાર્યવાહીથી કોંગ્રેસ ગિન્નાઈ :વિધાનસભાની ચૂંટણીમાં હાર ભાળી જવાથી હતાશ થઈને ઇડીના દરોડા પાડયા :કોંગ્રેસ પ્રવક્તા રણદીપ સુરજેવાલાએ કહ્યું કે બદલો લેવા જુના હથિયારોનો સહારો લઈને લોકોનું ધ્યાન ભટકવા પ્રયાસ કર્યો :આ પ્રકારની કાયરતા અને ધમકીભરી કાર્યવાહીથી કોંગ્રેસ અને તેના લોકો ઝુકવાના નથી access_time 1:01 am IST