Gujarati News

Gujarati News

News of Friday, 7th December 2018

રાજારામ સોસાયટી શ્યામનગરમાં યુવતિનું તાવથી મોતઃ સ્વાઇન ફલૂના વધુ બે દર્દી પણ સામે આવ્યાઃ રાજકોટમાં કુલ ૩૮ મોત

રાજકોટ તા. ૬: રોગચાળો માથુ ઉંચકી રહ્યો છે ત્યારે સામા કાંઠે રાજારામ સોસાયટીમાં રહેતી અઢાર વર્ષની યુવતિને આજે તાવ ભરખી ગયો છે. બીજી તરફ સ્વાઇન ફલૂના પણ બે નવા દર્દી સામે આવ્યા છે.

જાણવા મળ્યા મુજબ રાજારામ સોસાયટી શ્યામનગર-૨માં રહેતી પાયલ રાવતભાઇ લોખીલ (ઉ.૧૮) નામની આહિર યુવતિ સવારે ઘરે બેભાન થઇ જતાં સિવિલ હોસ્પિટલમાં ખસેડાઇ હતી. પરંતુ અહિ મોત નિપજ્યું હતું. હોસ્પિટલ ચોકીના સ્ટાફે બી-ડિવીઝનમાં જાણ કરી હતી. મૃત્યુ પામનાર પાયલ બે બહેન અને એક ભાઇમાં વચેટ હતી. તેના પિતા દુધનો વેપાર કરે છે. પોલીસે તપાસ કરતાં જાણવા મળ્યુ હતું કે ત્રણ-ચાર દિવસથી તાવ આવતો હોઇ દવા ચાલુ હતી. આજે તેણીએ દમ તોડી દીધો હતો. હેડકોન્સ. મગનભાઇએ કાર્યવાહી કરી હતી. બીસજી તરફ સ્વાઇન ફલૂના પણ વધુ  બે નવા દર્દી સામે આવ્યા છે. જેમાં મોવા મવા વિસ્તારના ૪૫ વર્ષના મહિલા અને રૈયા રોડ વિસ્તારના ૫૩ વર્ષના મહિલાના રિપોર્ટ પોઝિટીવ જાહેર થતાં બંને ખાનગી હોસ્પિટલમાં દાખલ છે. અત્યાર સુધીમાં સ્વાઇન ફલૂથી રાજકોટની ખાનગી અને સિવિલ હોસ્પિટલમાં ૩૮ મોત થયા છે. જેમાં રાજકોટ ઉપરાંત બહારગામના દર્દીઓ પણ સામેલ છે. આજના દિવસે ખાનગી હોસ્પિટલોમાં પોઝિટીવ રિપોર્ટ ધરાવતાં ૬ દર્દી સારવાર હેઠળ છે. રોગચાળો વકરી રહ્યો છે ત્યારે આરોગ્ય તંત્ર ઉંઘ ઉડાડે તે જરૂરી છે.

(3:33 pm IST)
  • ઇતિહાસકાર રામચંદ્ર ગુહાએ બીફ ખાતા પોસ્ટ કર્યો ફોટો ;કહ્યું ભાજપ શાસિત ગોવામાં જશ્ન માનવી રહયો છું :રામચંદ્ર ગુહા ભાજપની નીતિઓના ટીક્કાકાર છે :આગાઉ અમદાવાદ યુનિવર્સીટીમાં ભણાવવા ઇન્કાર કર્યો હતો : ગુહાએ ટ્વીટ કર્યું કે જુના ગોવામાં જાદુઈ સવાર ગુજાર્યા બાદ પણજીમાં લંચ કર્યું :ગોવા ભાજપ શાસિત છે એટલા માટે જશ્નમાં મેં બીફ ખાવા નિર્ણંય કર્યો :ગુહાએ ગોવાની કેટલીક તસવીરો પણ પોસ્ટ કરી હતી access_time 12:36 am IST

  • દેશમાં દર આઠમાંથી એક મોત વાયુ પ્રદુષણથીઃ હેલ્થ મીનીસ્ટ્રીના અભ્યાસનું તારણઃ આઉટડોર પ્રદુષણથી ૧૦ લાખથી વધુના મોત ર૦૧૭ મા વાયુ પ્રદુષણથી થયેલ મોતમાં અર્ધા થી વધારેની ઉમર ૭૦ થી ઓછી : રીસર્ચ પેપર પ્રમાણે દુનિયાની ૧૮ ટકા વસ્તી ભારતમાં: ર૬ ટકા મોત વાયુ પ્રદુષણને કારણે : દિલ્હી, ઉતરપ્રદેશ, બિહાર, હરીયાણા, વાયુ પ્રદુષણઃ આયુષ્ય ૧.૭ વર્ષ ઘટે access_time 11:47 pm IST

  • અમદાવાદ :વડાપ્રધાન નરેન્દ્રભાઈ મોદી વાઈબ્રન્ટ સમિટ પહેલા જાન્યુઆરીમાં ગુજરાત પ્રવાસે આવે તેવી શક્યતા :સરદાર પટેલ ઇન્સ્ટીટયુટ ઓફ રીસર્ચના ઉદ્ઘાટન પ્રસંગે આવી શકે છે ગુજરાત access_time 3:16 pm IST