Gujarati News

Gujarati News

News of Friday, 7th December 2018

કેવડાવાડીમાં ગમે તેના વાહનો રોકી લુખ્ખાગીરી કરતાં રોશન નેપાળીને પોલીસે 'ખોખરો' કર્યો

રાજકોટ તા. ૬: કેવડાવાડી વિસ્તારમાં કેટલાક દિવસથી ગમે તેના વાહનો રોકી લુખ્ખાગીરી કરતાં નેપાળી શખ્સને આજે પોલીસે જાહેરમાં સરભરા કરી 'કાયદે મેં રહોગે તો ફાયદે મેં રહોગે' સુત્રની યાદ અપાવી દીધી હતી.

કેવડાવાડી વિસ્તારમાં કેટલાક દિવસોથી યાજ્ઞિક રોડ પર એકતા એપાર્ટમેન્ટના પાર્કિંગમાં રહેતો રોશન અમરસિંગ સોલંકી નામનો નેપાળી શખ્સ ગતે ત્યારે ગમે તેને અટકાવી લુખ્ખાગીરી કરતો હોવાની ફરિયાદો ઉઠી હતી. ગઇકાલે પણ આ શખ્સે કેવડાવાડી-૨માં ધમાલ મચાવી હતી અને મારામારી કરી હતી. જેમાં તેને પણ ટોળાએ ઢીબી નાંખ્યો હતો. પણ તે ગમે તેમ કરીને ત્યાંથી નીકળી ગયો હતો. બીજી તરફ આ મામલે ભકિતનગર પોલીસને જાણ થતાં એસીપી પ્રદિપસિંહ જાડેજાની સુચના હેઠળ પી.આઇ. વી. કે. ગઢવીની ટીમે રોશનને શોધી કાઢ્યો હતો અને બાદમાં તેને કેવડાવાડી બજારમાં લઇ જઇ આગવી ઢબે કાયદાનું ભાન કરાવ્યું હતું. રોશને હવે પોતે કોઇ દિવસ આ વિસ્તારમાં કે બીજે કયાંય લુખ્ખાગીરી નહિ કરે તેમ કરી હાથ જોડી માફી માંગી હતી. તસ્વીરમાં પી.આઇ. વી. કે. ગઢવી અને સ્ટાફ તથા માફી માંગતો નેપાળી શખ્સ જોઇ શકાય છે.

(3:33 pm IST)
  • ભારતના ચિફ ઇકોનોમિક એડ્વાઇઝર તરીકે ક્રિષ્નામૂર્થી સુબ્રમનિયમની નિમણુંક : IIT/IIM પૂર્વ ટોપ રેન્કિંગ સ્ટુડન્ટ તથા અમેરિકાના શીકાગોમાંથી Ph.D ડિગ્રી મેળવી હૈદ્રાબાદની બિઝનેસ સ્કૂલમાં એક્ઝિક્યુટિવ ડિરેક્ટર તરીકે સેવાઓ આપતા ક્રિષ્નામૂર્થી 3 વર્ષ માટે દેશના ચીફ ઇકોનોમિક એડવાઈઝર તરીકે સેવાઓ આપશે access_time 5:46 pm IST

  • દેશમાં દર આઠમાંથી એક મોત વાયુ પ્રદુષણથીઃ હેલ્થ મીનીસ્ટ્રીના અભ્યાસનું તારણઃ આઉટડોર પ્રદુષણથી ૧૦ લાખથી વધુના મોત ર૦૧૭ મા વાયુ પ્રદુષણથી થયેલ મોતમાં અર્ધા થી વધારેની ઉમર ૭૦ થી ઓછી : રીસર્ચ પેપર પ્રમાણે દુનિયાની ૧૮ ટકા વસ્તી ભારતમાં: ર૬ ટકા મોત વાયુ પ્રદુષણને કારણે : દિલ્હી, ઉતરપ્રદેશ, બિહાર, હરીયાણા, વાયુ પ્રદુષણઃ આયુષ્ય ૧.૭ વર્ષ ઘટે access_time 11:47 pm IST

  • રાજકોટ : અંગ્રેજી કેલેન્ડર પ્રમાણે આજે પ્રમુખ સ્વામી મહારાજનો ૯૮મો જન્મજયંતિ મહોત્સવ : ૪૦૦ જેટલા ગરીબ દર્દીઓના નિઃશુલ્ક ઓપરેશન માટે રજીસ્ટ્રેશન પ્રક્રિયા કરાઈ access_time 3:20 pm IST