Gujarati News

Gujarati News

News of Thursday, 6th December 2018

ત્રંબા બસ સ્ટેન્ડ પાસે કારે-બાઇકને ઠોકર મારતા કમળાપુરના વૃદ્ધનું મોત

આહીર વૃદ્ધ રાજકોટ મિત્રના પાણી ઢોર પ્રસંગમાં આવતા'તા

રાજકોટ તા.૬: જસદણના કમળાપુરમાં રહેતા આહીર વૃદ્ધ રાજકોટના તેના મિત્રના પાણીઢોર પ્રસંગમાં આવતા હતા ત્યારે તંબા બસ સ્ટેન્ડ પાસે કારના ચાલકે બાઇકને ઠોકર મારતા આહીર વૃદ્ધનું મોત નિપજતા અરેરાટી વ્યાપી ગઇ છે.

મળતી વિગતો મુજબ જસદણના કમળાપુર ગામમાં રહેતા સુરેશભાઇ માલાસુરભાઇ ડવ (ઉ.વ.૬૦) ગઇકાલે પોતાનું મોટરસાયકલ લઇને રાજકોટ આવતા હતા ત્યારે ત્રંબા ગામના બસ સ્ટેશન પાસે પહોંચતા જી.જે. ૩ એબી -૮૦૮ નંબરની કારના ચાલકે બાઇકને ઠોકર મારતા આહીર વૃદ્ધ સુરેશભાઇ ફંગોળાઇ ગયા હતા. અકસ્માત સર્જાતા કાર ચાલક કાર રેઢી મુકીને ભાગી ગયો હતો. બનાવ બનતા આસપાસના લોકો એકઠા થઇ ગયા હતા. અને જાણ કરતા તેના ભાણેજ નિર્મળભાઇ ભુપતભાઇ રાઠોડ (ઉ.વ.૩૮) સ્થળ પર દોડી આવ્યા હતા અને વૃદ્ધ સુરેશભાઇને સારવાર માટે રાજકોટની મધુરમ હોસ્પિટલમાં ખસેડાયા હતા. ત્યાં તેનું સારવાર દરમ્યાન મોત નિપજયું હતું. મૃતક સુરેશભાઇ ડવ ખેતીકામ કરતા હતા. તે ગઇકાલે તેના મિત્રના પાણીઢોરના પ્રસંગમાં રાજકોટ આવતા હતા. આ બનાવ અંગે આજીડેમ પોલીસ મથકના હેડ કોન્સ પંકજભાઇ દીક્ષિત તથા રાઇટર વિપુલભાઇએ મૃતક આહીર વૃદ્ધના ભાણેજ નિર્મળભાઇ રાઠોડ (રહે. કેવડાવાડી -૧૦ના ખુણે રાજકોટ)ની ફરીયાદ પરથી જી.જે. ૩ એ.બી. ૮૦૮ નંબરની કારના ચાલક વિરૂદ્ધ ગુનો દાખલ કરી પીએસઆઇ જી.એન. વાઘેલાએ તપાસ હાથ ધરી છે. બે પુત્ર અને ત્રણ પુત્રીએ પિતાની છત્રછાંયા ગુમાવતા પરિવારમાં શોક વ્યાપી ગયો છે.

(3:54 pm IST)
  • ગીરસોમનાથ :તાલાલાના બોરવાવ ગામે પીતાની નજર સામે 8 વર્ષના પૂત્ર પર દિપડાએ કર્યો હુમલો:પિતાએ દીપડાનો પીછો કરતા ઇજાગ્રસ્ત પૂત્રને છોડી દીપડો નાસી છુટ્યો :વનવીભાગે બે પીંજરા મૂકતા હુમલાખોર દીપડો ઝડપાયો access_time 3:30 pm IST

  • પેરિસમાં વિરોધ પ્રદર્શનને પગલે એફિલ ટાવર પ્રવાસીઓ માટે બંધ કરાયો :છેલ્લા એક દાયકામાં સૌથી ખરાબ હિંસાના માહોલને ધ્યાને લઈને ફ્રાન્સની સુરક્ષા વ્યવસ્થા મજબૂત કરવા પોલીસની સંખ્યા 65 હજારથી વધારીને 89 હજાર કરી દેવાઈ access_time 12:45 am IST

  • રોબર્ટ વાડ્રા વિરુદ્ધ બદલાની ભાવનાથી કામ કરી રહી છે મોદી સરકાર :વાડ્રા વિરુદ્ધ ઇડીની કાર્યવાહીથી કોંગ્રેસ ગિન્નાઈ :વિધાનસભાની ચૂંટણીમાં હાર ભાળી જવાથી હતાશ થઈને ઇડીના દરોડા પાડયા :કોંગ્રેસ પ્રવક્તા રણદીપ સુરજેવાલાએ કહ્યું કે બદલો લેવા જુના હથિયારોનો સહારો લઈને લોકોનું ધ્યાન ભટકવા પ્રયાસ કર્યો :આ પ્રકારની કાયરતા અને ધમકીભરી કાર્યવાહીથી કોંગ્રેસ અને તેના લોકો ઝુકવાના નથી access_time 1:01 am IST