Gujarati News

Gujarati News

News of Monday, 7th October 2019

મુખ્યમંત્રી ગરીબનો અવાજ સાંભળોઃ આવાસ યોજનામાં મકાનના ખરા હક્કદારનો પરિવાર ૪ વર્ષથી રઝળે છે

રાજકોટ, તા. ૭ :. આવતીકાલે મુખ્યમંત્રી વિજયભાઈ રૂપાણી ગરીબોને ઘરના ઘરનું લોકાર્પણ કરવા આવી રહ્યા છે, ત્યારે આ આવાસ યોજનામાં મકાન મેળવવા માટે છેલ્લા ૪ વર્ષથી કોર્પોરેશન કચેરીના ધક્કા ખાઈ રહેલા વિજયભાઈ દાફડાએ આ બાબતે મુખ્યમંત્રી સમક્ષ ન્યાયની માંગ ઉઠાવી છે. આ અંગે અરજદાર વિજયભાઈ દાફડાએ રજૂઆતમાં જણાવ્યુ છે કે તેઓએ આવાસ યોજનામાં મકાન માટે જરૂરી તમામ કાગળીયા આધાર-પુરાવા સાથે અરજી કરી છે અને ૨૧ ઓગષ્ટ ૨૦૧૮માં કોર્પોરેશનના તંત્રવાહકોએ તેઓનું મકાન વગર નોટીસે પાડી નાખી બેઘર બનાવી દીધા હતા તેના આધાર પણ રજૂ કર્યા હતા. આમ આવાસ યોજનામાં મકાન માટે તેઓ ખરા હક્કદાર હોવા છતાં અધિકારીઓ તેઓને મકાન ફાળવતા નથી. આ અંગે કલેકટરશ્રી, મેયરશ્રી, મ્યુ. કમિશ્નરશ્રી સુધી રજૂઆતો કરાઈ છે છતા આજે વિજય દાફડા અને તેના પત્ની, ૧ વર્ષની દિકરી અને ૪ વર્ષના દિકરા સહિતનો પરિવાર ઘર વગર રઝળી પડયો છે.

હવે છેલ્લે થાકી હારીને મુખ્યમંત્રી સમક્ષ તેઓએ ન્યાયની માંગ ઉઠાવી છે અને તેઓના હક્કનુ મકાન અપાવવા માંગ ઉઠાવી છે.

(4:11 pm IST)
  • ડોનાલ્ડ ટ્રમ્પની તુર્કીને ખુલી ધમકી : કહ્યું સીરિયામાં હદ બહાર ગયા તો બરબાદ કરી નાખીશ : અમેરિકી રાષ્ટ્રપતિ ડોનાલ્ડ ટ્રમ્પએ સીરિયાથી લાગેલી તુર્કીની સીમાથી અમેરિકાના સૈનિકો હટાવાના નિર્ણંયને યોગ્ય ઠેરવતા કહ્યું કે ક્ષેત્રને સ્થિતિથી ખુદે નિપટવું જોઈએ : ટ્રમ્પએ એમ પણ કહ્યું કે જો સીરિયામાં તુર્કી હદ બહાર જાય તો તેની અર્થવ્યવસ્થાને બરબાદ કરી નાખશે access_time 1:11 am IST

  • પાકિસ્તાની સેનાએ નિયંત્રણ રેખા પહેલા જ રોકી આઝાદી માર્ચ : પીઓકેની રાજધાની મુઝફરાબાદથી શરૂ થયેલી આઝાદી માર્ચ નિયંત્રણ રેખાની નજીક પહોંચી : પાકિસ્તાની સેનાએ છ કિલોમીટર પહેલા રોકી દીધી : માર્ચમાં સામેલ લોકો સવારે ફરી આગળ વધવા મક્કમ :પ્રદર્શનકારીઓ અને સરકાર વચ્ચે વાતચીત નિષ્ફળ : જમ્મુ કાશ્મીર લિબરેશન ફ્રન્ટે બોલાવેલી માર્ચ ત્રણ દિવસ પહેલા મુઝફરાબાદથી શરૂ થઇ હતી access_time 1:03 am IST

  • તેલંગણા સરકારનું અભૂતપૂર્વ કડક પગલું : હડતાલ ઉપર ઉતરેલા રોડ ટ્રાન્સપોર્ટના 48 હજાર કર્મચારીઓ સસ્પેન્ડ : 12 હજાર કરોડની ખોટ અને 5 હજાર કરોડનું દેવું ધરાવતા ટ્રાન્સપોર્ટ કોર્પોરેશનના કર્મચારીઓની માંગણીઓ સ્વીકારી શકાય નહીં : મુખ્યમંત્રી ચંદ્રશેખર રાવની ઘોષણાં access_time 12:51 pm IST