Gujarati News

Gujarati News

News of Monday, 7th October 2019

આવો રાસ કયારેય નહીં જોયો હોય

બાળાઓ જીપ અને બુલેટ પર ઊભી રહીને રાસ રમે અને એ ગરબી મંડળમાં ગોળ-ગોળ ફરીને રાસ કરે

રાજકોટ,તા.૭:રાજકોટ નજીક આવેલા હડમતિયા બેડી ગામે ગઈ કાલે રાતે અચરજ કહેવાય એવો બુલેટ-જીપ રાસ યોજાયો હતો. નવદુર્ગા ગરબી મંડળ દ્વારા આયોજિત કરવામાં આવેલો આ રાસ નવરાત્રિના દિવસોમાં માત્ર એક વાર રમાય છે. રાસમાં પાંચ છોકરીઓ અને એટલી જ છોકરીઓ છોકરાના લુકમાં રમે છે. રાસમાં એક પણ ખૈલેયો જીપ કે બુલેટ પરથી ઊતરીને રાસ નથી લેતો, પણ રાસનાં બધાં સ્ટેપ જીપના બોનેટ અને બુલેટ પર જ કરવામાં આવે છે. રાસ ચાલતો હોય એ દરમ્યાન જીપ અને બુલેટ પણ ગરબીના સ્થાને ગોળ-ગોળ ફરતાં રહે અને ફરતી એ જીપ-બૂલેટ પર રાસ પણ ચાલુ રહે. ગરબી મંડળના સભ્ય ધર્મેશભાઈ ગડિયાએ કહ્યું હતું કે 'આધુનિકતાને ધ્યાનમાં રાખીને આ વાહન ઉમેર્યા છે, પણ એમાં માતાજીના ગરબા તો પરંપરાગત છે એ જ ગાવામાં આવે છે. ત્રણ ગરબાનો એક ગરબો બનાવીને આ રાસ રમવામાં આવે છે.'આ રાસ ૧૬ મિનિટથી વધારે લાંબો સમય ચાલે છે અને વન્સમોરને કારણે એવું પણ બન્યું છે કે આ રાસ ૪૦ મિનિટ પણ ચાલ્યો હોય.

(3:50 pm IST)
  • અલ્પેશ ઠાકોર અને ધવલસિંહ ઝાલાને ચૂંટણી લડવા પર રોક લગાવવા સુનાવણી હાથ ધરાવશેઃ ગત સપ્તાહે હાઇકોર્ટમાં કરાયેલી અરજી પર આજે સુનાવણી હાથ ધરાશે access_time 11:25 am IST

  • તેલંગણા સરકારનું અભૂતપૂર્વ કડક પગલું : હડતાલ ઉપર ઉતરેલા રોડ ટ્રાન્સપોર્ટના 48 હજાર કર્મચારીઓ સસ્પેન્ડ : 12 હજાર કરોડની ખોટ અને 5 હજાર કરોડનું દેવું ધરાવતા ટ્રાન્સપોર્ટ કોર્પોરેશનના કર્મચારીઓની માંગણીઓ સ્વીકારી શકાય નહીં : મુખ્યમંત્રી ચંદ્રશેખર રાવની ઘોષણાં access_time 12:51 pm IST

  • બગદાદના ગવર્નરે આપ્યું રાજીનામુ : ઇરાકમાં વિરોધ પ્રદર્શન યથાવત : ઇરાકમાં સરકાર વિરુદ્ધ વ્યાપક વિરોધ પ્રદર્શન વચ્ચે બગદાદના ગવર્નર ફલાહ અલ જજેરીએ રાજીનામુ આપ્યું : ઇરાકમાં હિંસક પ્રદર્શનમાં અત્યાર સુધીમાં 113 લોકોના મોત : 4000થી વધુ લોકો ઘાયલ access_time 1:04 am IST