Gujarati News

Gujarati News

News of Monday, 7th October 2019

જોડીયાના પીઠડના યુવાનનો સાથે ભણતી છાત્રા પર બળાત્કારઃ ફોટા વાયરલ કરવાની ધમકી દઇ વારંવાર દૂષ્કર્મનો આરોપઃ ધરપકડ

રાજકોટઃ જોડીયાના પીઠડ ગામના વતની અને રાજકોટમાં અભ્યાસ કરતાં ગિરીરાજસિંહ હિતેન્દ્રસિંહ જાડેજા (ઉ.૨૦) નામના શખ્સે સાથે જ અભ્યાસ કરતી એક છાત્રાને ફસાવી બિભત્સ ફોટાઓ પાડી વાયરલ કરી દેવાની ધમકી દઇ તેમજ આ છાત્રા તથા તેના ભાઇને મારી નાંખવાની ધમકી આપી રાજકોટમાં બસ સ્ટેશન પાછળના કનક રોડ પર એમ્પાયર હોટેલમાં વારંવાર લઇ જઇ બળાત્કાર ગુજારતાં મામલો મહિલા પોલીસ સુધી પહોંચતા પોલીસ કમિશનર મનોજ અગ્રવાલ, જેસીપી અજયકુમાર ચોૈધરી, ડીસીપી રવિમોહન સૈની, ડીસીપી મનોહરસિંહ જાડેજા, એસીપી જે. એસ. ગેડમની રાહબરીમાં પી.આઇ. એસ.આર. પટેલ, પીએસઆઇ એન. બી. ડોડીયા, હેડકોન્સ. શૈલેષભાઇ ખીહડીયા, કોન્સ. પ્રિયંકાબેન પરમારે આઇપીસી ૩૭૬, ૫૦૬ (૨) મુજબ ગુનો નોંધી ગિરીરાજસિંહની ધરપકડ કરી છે. પ્રારંભે આ શખ્સે છાત્રા સાથે પરિચય કેળવ્યો હતો. એ પછી મોબાઇલ નંબરની આપ લે કરી સોશિયલ મિડીયા વ્હોટ્સએપ, ઇન્સ્ટાગ્રામ મારફત વાતો શરૂ કરી હતી. એ પછી છેલ્લા એક વર્ષ પહેલા ગિરીરાજસિંહ છાત્રાને હોટેલમાં લઇ ગયો હતો અને ઇચ્છા વિરૂધ્ધ બળજબરી કરી હતી.  એ પછી ફોટા વાયરલ કરવાની ધમકી આપી અવાર-નવાર ધમકી દઇ દૂષ્કર્મ ગુજાર્યાનો આરોપ ફરિયાદમાં મુકાયો હતો.  આરોપીની ધરપકડ બાદ વિશેષ તપાસ થઇ રહી છે.

(10:49 am IST)
  • બગદાદના ગવર્નરે આપ્યું રાજીનામુ : ઇરાકમાં વિરોધ પ્રદર્શન યથાવત : ઇરાકમાં સરકાર વિરુદ્ધ વ્યાપક વિરોધ પ્રદર્શન વચ્ચે બગદાદના ગવર્નર ફલાહ અલ જજેરીએ રાજીનામુ આપ્યું : ઇરાકમાં હિંસક પ્રદર્શનમાં અત્યાર સુધીમાં 113 લોકોના મોત : 4000થી વધુ લોકો ઘાયલ access_time 1:04 am IST

  • કાલે મધ્યરાત્રીથી આકાશમાં ડેક્રોનીકસ ઉલ્કા વરસશેઃ ચાર દિવસ સુધી નજારો નિહાળી શકાશે : રાત્રે ૧ થી પરોઢીયા સુધી રોમાંચકતા માણવાનો શ્રેષ્ઠ સમય : ફટકાડાની આતશબાજી જેવી આતશબાજી જામશે : ભારત જન વિજ્ઞાન જાથા દ્વારા અમદાવાદ રાજકોટ સહીત ૧૬ શાખાઓ પર ઉલ્કા નિહાળવા ખાસ વ્યવસ્થા : રસ ધરાવતા જીજ્ઞાષુઓએ અવકાશી ખગોળીય ઘટના અચુક નિહાળવા જાથાના રાજય ચેરમેન એડવોકેટ જયંત પંડયા (મો.૯૮૨૫૨ ૧૬૬૮૯) નો અનુરોધ access_time 11:25 am IST

  • મહારાષ્ટ્ર ચૂંટણી પ્રચારમાં ગરમાવો : કોંગ્રેસ અને NCPનો સંયુક્ત ચૂંટણી ઢંઢેરો જાહેર : અમે સત્તા ઉપર આવશું તો મહારાષ્ટ્રના ઉદ્યોગોમાં સ્થાનિક નાગરિકો માટે 80 ટકા અનામત : ખેડૂતોને દેવામાફી ,બેરોજગારોને 5 હજાર રૂપિયા બેકારી ભથ્થું : તમામ માટે વિનામૂલ્યે વીમો : ગ્રેજ્યુએટ સુધીનો અભ્યાસક્રમ મફત access_time 8:25 pm IST