Gujarati News

રાજકોટઃ શહેરનાં વોર્ડ નં. ૧૩ માં સ્વામિનારાયણ ચોકમાં શ્યામ ગ્રુપ દ્વારા છેલ્લા નવ વર્ષથી ગણેશ મહોત્સવનું આયોજન કરવામાં આવે છે. આ ગણપતિ મહોત્સવમાં વોર્ડ નં. ૧૩ના ભાજપના કોર્પોરેટર નિતિન રામાણીએ સજોડે આરતીનો લ્હાવો લીધો હતો. આ મહોત્સવમાં એક દિવસ ગુજરાત મ્યુ. ફાયનાન્સ બોર્ડનાં ચેરમેન ધનસુખભાઇ ભંડેરી, પ્રદેશ ભાજપ અગ્રણી નિતિનભાઇ ભારદ્વાજ, શહેર ભાજપ પ્રમુખ કમલેશ મીરાણી સહિતના અગ્રણીઓએ દર્શનનો લાભ લીધો હતો. અહીં દરરોજ સવારે ૮ વાગ્યે અને સાંજે ૮ વાગ્યે મહાઆરતી સહિતના વિવિધ કાર્યક્રમોનું આયોજન કરવામાં આવે છે. આ સ્વામિનારાયણ ચોક કા રાજાનું આયોજન નારણભાઇ બોળીયા, મેહુલભાઇ રાઠોડ, યોગેશ સોની, ભુપતભાઇ ચનિયારા તથા ભરતભાઇ બોળીયા દ્વારા કરવામાં આવે છે.