Gujarati News

રાજકોટ તા. ૭: ઢેબર રોડ અટીકા  સાઇ બાબા મંદિર પાસે હનુમાનજીના મંદિર પાસે ૨૫વારીયામાં રહેતાં ગોપાલ જોરૂભાઇ હાડા (ઉ.૩૨) નામના રજપૂત યુવાનને તે ઘર નજીક આરતી સોસાયટી-૬માં હતો ત્યારે રાજુ પટેલ, એક ભૈયો તથા અજાણ્યા એક શખ્સે મળી ધોકા અને લોખંડના પાઇપથી હુમલો કરી જમણો પગ ભાંગી નાંખતા સારવાર લેવી પડી છે.

બનાવ અંગે ભકિતનગર પોલીસે ગોપાલ હાડાની ફરિયાદ પરથી ગુનો નોંધ્યો છે. ગોપાલના કહેવા મુજબ પોતે ફ્રુટની લારી રાખી ધંધો કરે છે. રાજુ પટેલ સહિતનાને એવી શંકા હતી કે પોતે ભૈયા લોકોને ભગાડી મુકે છે. આ કારણે રાજુ, એક ભૈયા અને અજાણ્યા શખ્સે મળી માથાકુટ કરી ધોકા-પાઇપથી ફટકારી માથા, શરીર, પગે ઇજાઓ કરતાં પોતાને જમણા પગમાં ફ્રેકચર થઇ ગયું છે. પીએસઆઇ ડી.એન. વાંજાએ વિશેષ તપાસ હાથ ધરી છે.