Gujarati News

Gujarati News

News of Saturday, 7th July 2018

૧ લી સપ્‍ટેમ્‍બરથી મતદાર યાદી સુધારણાઃ અધિકારીઓની બઢતી-બદલી માટે ચૂંટણી પંચની મંજુરી જરૂરી

સંસદની ચૂંટણીના પડઘમ વાગ્‍યા....

રાજકોટ, તા. ૭ :. ૨૦૧૯માં લોકસભાની ચૂંટણીના પડઘમ વાગી રહ્યા છે ત્‍યારે રાજ્‍ય ચૂંટણી પંચે ચૂંટણી અંગેની પ્રાથમિક તબક્કાની તૈયારી શરૂ કરી દીધી છે. જેના ભાગરૂપે આગામી ૧ લી સપ્‍ટેમ્‍બરથી મતદાર યાદી સુધારણા કાર્યક્રમનો પ્રારંભ થશે તેમજ આ સંદર્ભે જિલ્લાના અધિકારીઓ - કર્મચારીઓની બઢતી-બદલી ઉપર પણ પ્રતિબંધ મુકી દીધાનું જાણવા મળ્‍યુ છે.

આ અંગે સત્તાવાર સૂત્રોમાંથી પ્રાપ્ત માહીતી મુજબ ૧ લી સપ્‍ટેમ્‍બરથી મતદાર યાદી સુધારણા શરૂ થશે અને ૪ જાન્‍યુઆરી સુધીમા આખરી મતદાર યાદી પ્રસિદ્ધ કરી દેવાશે. રાજકોટ શહેર જિલ્લાના કુલ ૨૨૦૦ જેટલા મતદાન મથકો ઉપર રજાના દિવસોમાં સવારે ૧૦ થી ૬ મતદાર યાદી સુધારણા કાર્યક્રમ ચાલશે.

આ દરમિયાન જિલ્લાના કોઈપણ અધિકારી કે કર્મચારીની બઢતી કે બદલી ઉપર રાજ્‍ય ચૂંટણી પંચે પ્રતિબંધ મુકયો છે અને કોઈપણ ખાલી જગ્‍યા ભરવાની અથવા બદલી કરવાની થાય તો તે માટે ચૂંટણી પંચની મંજુરી મેળવવા માટે ખાસ પરિપત્ર જારી થયો છે.

(3:55 pm IST)
  • નડિયાદ ડિવિઝન સ્કવોર્ડે બાતમીના આધારે, સંધાણા પાસેથી કારમાં લઇ જવાતા 300 લીટર દેશી દારૂ ના 10 પોટલાં સાથે એક મહિલા અને પુરુષને ઝડપી લીધા છે. access_time 8:12 pm IST

  • દક્ષિણ ગુજરાતમાં દરિયાઇ પટ્ટામાં ભારેથી અતિભારે વરસાદની આગાહી કરવામાં આવી છે. સાથે સાથે દરિયાકાંઠે વસતા માછીવારોને દરિયો ન ખેડવા માટે પણ સૂચન કરાયું છે. ભારે આગાહી વચ્ચે વલસાડ, નવસારી, ડાંગ, તાપી, દમણમાં ભારે વરસાદની આગાહી કરવામાં આવી છે. સાથે સાથે વરસાદી માહોલ વચ્ચે વલસાડ અને વાપી સહિતાના અનેક વિસ્તારોમાં વીજળીના કડાકા સાથે તોફાની વરસાદ શરૂ થયો હતો. બીજી તરફ અમેરલીના દામનગર શહેર અને ગ્રામ્ય વિસ્તારમાં સતત એક કલાક ધોધમાર વરસાદ ખાબક્યો હતો. વલસાડમાં 48 કલાકમાં ભારે વરસાદની આગાહી હવામાન ખાતા દ્વારા કરવામાં આવી છે. મળતી માહિતી પ્રમાણે શનિવારે સાંજે ઘપમપુરમાં ત્રણ ઇંચ વરસાદ હતો. તો સુરતમાં ત્રણ કલાકમાં બે ઇંચ વરસાદ ખાબક્યો હોવાની માહિતી મળી હતી. આ સાથે આસપાસના વિસ્તારોમાં 1થી 2 ઇંચ વરસાદ પડ્યો હોવાની માહિતી મળી રહી છે. access_time 1:20 am IST

  • નવસારીના ચીખલીના કુકેરી ગામે કાવેરી નદી પરનો ચેકડેમ ઓવરફ્લો થયો છે. બીજા પણ 9 જેટલા નાના ચેકડેમ ઓવરફ્લો થયા છે. ચેકડેમને લઈને કુકેરી ગામના ખેડૂતોમાં રોષ જોવા મળ્યો છે. ચેકડેમ ઉંડો કરવાની રજૂઆત તંત્રને અનેક વખત કરી હોવા છતાં કોઇ જ પગલાં ન લેવાતા ગ્રામજનોમાં રોષ જોવા મળ્યો છે. access_time 7:18 pm IST