Gujarati News

Gujarati News

News of Saturday, 7th July 2018

મધુરમના વાર્ષિકોત્સવમાં છાત્રોએ મધુર સંગીત વહાવ્યુ

રાજકોટ તા. ૬ : તાજેતરમાં બાલભવનના મનુભાઇ વોરા હોલમાં મધુરમ સંગીત કલાસનો  વાર્ષીકોત્સવ  યોજાયો હતો. કાર્યક્રમની પ્રસ્તાવના  ન્યુ પરીમલ  સ્કુલના પ્રિન્સીપાલ  શ્રીમતી અલ્પા મંડીરે કરી હતી.  સરસ્વતી દેવી ના દિપ પ્રાગટ્ય , સ્તુતી  અને શ્લોકો ના ગાનથી શરૂઆત થઇ. આ સમયે રાજકોટના ડીવાયએસપી. શ્રીમતી શ્રૃતિ  મેડમ , લોક  ગાયિકા પુનમ બેન ગોંડલિયા , લોક ગાયક નિલેશ પંડ્યા , શાંતિલાલ  રાંણી઼ગા , પ્રવિણભાઇ વ્યાસ , દેવભટ્ટ ન્યુ પરિમલ સ્કુલના ટ્રસ્ટી ચંદ્રકાંતભાઇ મંડીર , સામાજીક કાર્યકર કેતનભાઇ બોરીસાગર , મનુભાઇ બગથરીયા તેમજ ભજનીક વિષ્ણુ પ્રસા દવે  કાર્યક્રમમાં ઉપસ્થિત રહ્યા હતા. સંગીત કલાસના વિદ્યાર્થીઓ એ જુના - નવા પિકચરના ગીતો - લોકગીતો , ભજન દુહા છંદ, સપાખરા લલકારી  શ્રોતાજનો ને  રસતરબોળ કર્યા હતા. આખો હોલ સંગીતના સુમધુર નાદથી ગુંજી ઉઠ્યો હતો. કાર્યક્રમને સફળ બનાવવા  ટી.વી.  આર્ટીસ્ટ અને સંસ્થા ના  સ્થાપક રમેશભાઇ વ્યાસ , સંસ્થાના સંચાલક અને સ્ટેજ કલાકાર મૌલિક વ્યાસ સાથે જય પરીખ, દેવાંશ વ્યાસ, માનસી  ગુસાણી , અમીત સખીયા અને કલ્યાણભાઇએ જહેમત ઉઠાવી હતી. કાર્યક્રમ ના સમાપનમાં નિલેશ પંડ્યા , શાંતિલાલ રાંણીગા  અને મૌલિક વ્યાસે ગુજરાતી ગીતો રજુ કર્યા હતા. વાલીઓએ આ કાર્યક્રમને મનભરી ને માણ્યો હતો. શ્રોતા, મહેમાનો અને વિદ્યાર્થીઓએ અલ્પાહાર માણ્યો હતો.  આ તકે બાલ ભવનના માનદંત્રી મનસુખભાઇ  જોષી અને કિરીટભાઇ વ્યાસનો સહકાર મળ્યો હતો. કાર્યક્રમનું સંચાલન શ્રીમતી ભાવિશા શ્રી શાહોલિયા  અને  કુ. રીના પુરોહીતે કર્યુ હતુ.  સંસ્થાના સ્થાપક અને લોકસાહિત્યકાર શ્રી રમેશભાઇ વ્યાસે આભારવિધિ કરી હતી.

(3:40 pm IST)
  • દક્ષિણ ગુજરાતમાં દરિયાઇ પટ્ટામાં ભારેથી અતિભારે વરસાદની આગાહી કરવામાં આવી છે. સાથે સાથે દરિયાકાંઠે વસતા માછીવારોને દરિયો ન ખેડવા માટે પણ સૂચન કરાયું છે. ભારે આગાહી વચ્ચે વલસાડ, નવસારી, ડાંગ, તાપી, દમણમાં ભારે વરસાદની આગાહી કરવામાં આવી છે. સાથે સાથે વરસાદી માહોલ વચ્ચે વલસાડ અને વાપી સહિતાના અનેક વિસ્તારોમાં વીજળીના કડાકા સાથે તોફાની વરસાદ શરૂ થયો હતો. બીજી તરફ અમેરલીના દામનગર શહેર અને ગ્રામ્ય વિસ્તારમાં સતત એક કલાક ધોધમાર વરસાદ ખાબક્યો હતો. વલસાડમાં 48 કલાકમાં ભારે વરસાદની આગાહી હવામાન ખાતા દ્વારા કરવામાં આવી છે. મળતી માહિતી પ્રમાણે શનિવારે સાંજે ઘપમપુરમાં ત્રણ ઇંચ વરસાદ હતો. તો સુરતમાં ત્રણ કલાકમાં બે ઇંચ વરસાદ ખાબક્યો હોવાની માહિતી મળી હતી. આ સાથે આસપાસના વિસ્તારોમાં 1થી 2 ઇંચ વરસાદ પડ્યો હોવાની માહિતી મળી રહી છે. access_time 1:20 am IST

  • વડાપ્રધાન નરેન્દ્રભાઈ મોદીની જયપુરમાં જબરી રેલી : કલ્યાણકારી યોજનાના 33 જિલ્લાઓનાં લાભાર્થીઓ સાથે મોદી કરશે સંવાદ :5579 જેટલી બસો પણ બુક :અંદાજે 7.22 કરોડનો ખર્ચ થશે:કાર્યક્રમમાં 2.5 લાખ લાભાર્થીઓ એકઠા થશે તેવું અનુમાન access_time 1:18 am IST

  • નર્મદાના સાગબારા પંથકમાં ભારે વરસાદને કારણે ભોર આંબલી ગામ પાણીમાં ડૂબ્યું : નદીમાં પુર ને કારણે ગામમાં પાણી ફરી વળ્યા : ખેત મજૂરો સહિત અન્ય ગામમાં ગયેલ લોકો ફસાયા : નદીમાં સુરક્ષા દીવાલ ન હોવાને કારણે ઘરોમાં ઘુસી ગયા પાણી access_time 7:19 pm IST