Gujarati News

Gujarati News

News of Saturday, 7th July 2018

ચોરાઉ માલ ખરીદવાના ગુનામાં ચાર વર્ષથી ફરાર હિતેષ અજાણી પકડાયો

પેરોલ ફરલોની ટીમે પટેલ શખ્સને લાખેશ્વર સોસાયટી પાસેથી દબોચ્યોઃ અગાઉ એ-ડીવીઝન પોલીસમાં પકડાઇ ચૂકયો છે

રાજકોટ, તા. ૭ : ગાંધીગ્રામ વિસ્તારમાં થયેલી ઘરફોડ ચોરીના ગુન્હામાં ચાર વર્ષથી નાસતા ફરતા પટેલ શખ્સને પેરોલ ફરલોની ટીમે પેડક રોડ લાખેશ્વર સોસાયટી પાસેથી દબોચી લીધો હતો.

મળતી વિગત મુજબ શહેર પોલીસ કમિશનર અનુપમસિંહ ગેહલોત તથા જોઇન્ટ પોલીસ કમિશનર ભટ્ટ તથા ડીસીપી કરણરાજ વાઘેલા અને એસીપી જયદેવસિંહ સરવૈયાએ નાસતા ફરતા આરોપીને શોધી કાઢવા માટે સૂચના આપતા પેરોલ ફરલો સ્કોર્ડના પીએસઆઇ બી.કે. ખાચર, હેડ કોન્સ. મધુકાંતભાઇ સોલંકી, બકુલભાઇ વાઘેલા, જયદેવસિંહ પરમાર, કિશોરદાન તથા હરીભાઇ બાલાસરા સહિત પેટ્રોલીંગમાં હતા ત્યારે મધુકાંતભાઇ, જયદેવસિંહ તથા કિશોરદાન ગઢવીને મળેલી બાતમીના આધારે પેડક રોડ લાખેશ્વર સોસાયટી શેરી નં. ૭માં રહેતો હિતેષ બાવાભાઇ અજાણી (ઉ.વ.૩૪)ને લાખેશ્વર સોસાયટીના ખૂણેથી પકડી લીધો હતો. હિતેષ ગાંધીગ્રામ વિસ્તારમાં થયેલી ચોરીમાં પકડાયેલા પ્રકાશ સગર પાસેથી ચોરીનો માલસામાન ખરીદ કરતો હતો. હિતેષ અગાઉ એ-ડીવીઝન પોલીસ સ્ટેશનમાં પણ ચોરાઉ માલસામાન ખરીદવાના ગુન્હામાં પકડાઇ ચૂકયો છે. આ અંગે પેરોલ ફરલો સ્કોર્ડેની ટીમે હિતેષને ગાંધીગ્રામ પોલીસમાં સોંપ્યો હતો.

(3:22 pm IST)
  • ખિસ્સાવાળા જેકેટમાં દારૂની હેરાફેરી કરતા બે શખ્શોની સુરતના મહિધરપુરાથી ધરપકડ :બંને દમણથી ખિસ્સાવાળા જેકેટમાં દારૂની બોટલ લાવ્યા હતા :જેકેટ ઉપરાંત પગમાં પણ સેલોટેપ મારીને દારૂની બોટલો સંતાડીને લાવ્યા હતા.:આ બંને પાસેથી 96 જેટલી દારૂની બોટલ શરીર પરથી પોલીસે કબજે કરી access_time 1:34 am IST

  • વરસાદે સર્જી જાપાનમાં તારાજી : જાપાનના પશ્ચિમ વિસ્તારમાં જોરદાર પૂર તથા ભેખડો ધસી પડવાને કારણે આશરે ૫૦થી વધુ લોકોનાં મૃત્યુ થયાં છે અને સેકડો લોકો લાપતા થયા છે. મોટાભાગનાં મૃત્યુ હિરોશીમા પ્રદેશમાં થયાં છે. હિરોશીમા પ્રદેશમાં ગુરુવારથી મુશળધાર વરસાદ પડી રહ્યો છે અને હજ્જારો ઘરોને નુકસાન થયું છે. આશરે 15 લાખ લોકોને તેમના ઘર છોડીને સલામત સ્થળે જતા રહેવાનો આદેશ આપવામાં આવ્યો છે. હજ્જારો પોલીસ કર્મચારીઓ, ફાયર ફાઈટર્સ અને સૈનિકો શોધ તથા બચાવ કામગીરીમાં જોડાયા છે. આગામી કેટલાક દિવસોમાં વધુ વરસાદ પડવાની આગાહી પણ કરવામાં આવી છે. access_time 11:12 pm IST

  • વડાપ્રધાન નરેન્દ્રભાઈ મોદીની જયપુરમાં જબરી રેલી : કલ્યાણકારી યોજનાના 33 જિલ્લાઓનાં લાભાર્થીઓ સાથે મોદી કરશે સંવાદ :5579 જેટલી બસો પણ બુક :અંદાજે 7.22 કરોડનો ખર્ચ થશે:કાર્યક્રમમાં 2.5 લાખ લાભાર્થીઓ એકઠા થશે તેવું અનુમાન access_time 1:18 am IST