Gujarati News

Gujarati News

News of Friday, 7th June 2019

અમરનગરના ભજનીક વિષ્ણુપ્રસાદ દવેનું સુરતમાં સન્માન

રાજકોટ : અમરનગર ગ્રામ સેવા મંડળના પ્રમુખ વેલજીભાઇ વાડોદરીયા તથા ઉપપ્રમુખ દ્વારા સોરઠી ગાયક ભજનીક વિષ્ણુપ્રસાદ દવેનો સન્માન સમારોહ ગોઠવાયો હતો. પ્રસાદજીની ભજન યાત્રા, દેશ વિદેશમાં કરેલા સંતવાણી અને છેલ્લા ૪૫ છર્ષથી રેડિયો પર પ્રાચીન ભજનોની રજુઆતોને ધ્યાને લઇ આ કાર્યક્રમ યોજાયો હતો. સાઇરામ દવેના પિતાશ્રી એવા આ કલાકારે ખુબ સંઘર્ષ કર્યો છે. તેની કેટલીક વાતો તેણે સ્ટેજ ઉપરથી રજુ કરી હતી. ગામના લોકોએ યાદ કર્યા તે બદલ અહોભાવ વ્યકત કરેલ. પ્રમુખ દ્વારા શાલ, ફુલહાર કરી તાળીઓના ગડગડાટથી આ સન્માનને વધાવ્યું હતું મનુભાઇ વસોયા, વિપુલ સાવલિયા, જીવરાજ કયાડા, નાગજી કોટડીયા, પ્રવીણભાઇ પટેલ તથા વિવિધ  ક્ષેત્રના અગ્રણીઓના પણ સન્માન થયા હતા. સમગ્ર કાર્યક્રમનું સંચાલન રસિકભાઇ સોલંકીએ કર્યુ હતું.

(3:34 pm IST)
  • અમદાવાદની એએમટીએસ બસ કંપનીના ડ્રાઈવરો પગાર પ્રશ્ને હડતાલ પર ઉતર્યા : મોટી સંખ્યામાં ડ્રાઈવરોએ વીજળીક હડતાલ પાડી બસના પૈડા થંભાવી દીધા access_time 6:16 pm IST

  • રાજસ્થાન, મધ્યપ્રદેશ અને વિદર્ભમાં ત્રણ-ચાર દિ' હિટવેવની આગાહી : હરીયાણા, ચંદીગઢ, દિલ્હી, પંજાબ અને પશ્ચિમ યુ.પી.માં તોફાની પવન સાથે ગાજવીજ સાથે વરસાદની આગાહી : ભારતીય હવામાન ખાતાની આગાહી અનુસાર આગામી ૩ થી ૪ દિવસ રાજસ્થાન, મધ્યપ્રદેશ અને વિદર્ભમાં જોરદાર હિટવેવની શકયતા છે. જયારે હરીયાણા, ચંદીગઢ, દિલ્હી, પંજાબ અને પશ્ચિમ ઉત્તરપ્રદેશમાં ધુળની આંધી અને કેટલીક જગ્યાઓએ ૩૦ થી ૪૦ કિમીની ઝડપે પવન ફુંકાવાની સાથે ગાજવીજ સાથે વરસાદ પડી શકે છે access_time 3:20 pm IST

  • બજેટ પછી તુરત ઇવી પોલીસી જાહેર કરશે મોદી સરકાર : એપ્રિલ ૨૦૨૬થી કોર્મશીયલ વપરાશ માટે વેચાણ થનાર તમામ મોટરકારો ફરજીયાત પણે ઇલેકટ્રીક કાર હશેઃ ઉબેર અને ઓલા ટેકસીઓને તેની ૪૦ ટકા મોટરકારો એપ્રિલ ૨૦૨૬ સુધીમાં ઇલેકટ્રીક કારમાં રૂપાંતરીત કરવાના સરકાર હુકમો કરશે. કેન્દ્રીય બજેટ પછી મોદી સરકાર તુરત ઇવી-ઇલેકટ્રીક વ્હીકલ પોલીસી જાહેર કરશે access_time 1:22 pm IST