Gujarati News

Gujarati News

News of Friday, 7th June 2019

બેભાન હાલતમાં ત્રણના મોત

હૈદરીચોકના હુશેનભાઇ, માનસરોવરના ભગવાનજીભાઇ અને જંગલેશ્વરના સંજયભાઇએ સિવિલમાં દમ તોડ્યો

રાજકોટ તા. ૭: બેભાન હાલતમાં વૃધ્ધ, પ્રોૈઢ અને યુવાનના મોત નિપજ્યા હતાં. દૂધ સાગર રોડ પર હૈદરી ચોકમાં રહેતાં હુશેનભાઇ ઉમરભાઇ રાઉમા (ઉ.૬૨) નામના વૃધ્ધ બપોરે ઘરે સુતા બાદ સાંજે પાંચ વાગ્યે પત્નિ ઉઠાડવા જતાં ન ઉઠતાં સિવિલ હોસ્પિટલમાં ખસેડાયા હતાં. પરંતુ અહિ તબિબે મૃત જાહેર કરતાં સ્વજનોમાં માતમ છવાયો હતો. હોસ્પિટલ ચોકીના સ્ટાફે થોરાળા પોલીસને જાણ કરી હતી. અન્ય બનાવમાં આજીડેમ ચોકડી પાસે  માનસરોવર સોસાયટીમાં રહેતાં ભગવાનજીભાઇ રામાભાઇ ચંદ્રવાડીયા (ઉ.૫૫) નામના આહિર પ્રોૈઢ સવારે છ વાગ્યે ઘરે બેભાન થઇ જતાં સિવિલ હોસ્પિટલમાં ખસેડાયા હતાં. પરંતુ તબિબે નિષ્પ્રાણ જાહેર કરતાં પરિવારમાં ગમગીની છવાઇ ગઇ હતી. હોસ્પિટલ ચોકીના મહેન્દ્રભાઇ અને રાજદિપસિંહે આજીડેમમાં જાણ કરી હતી. મૃતક ચાર ભાઇ અને એક બહેનમાં વચેટ હતાં. સંતાનમાં એક પુત્રી અને બે પુત્ર છે.

ત્રીજા બનાવમાં જંગલેશ્વરની રાધાકૃષ્ણ સોસાયટી-૧૧માં રહેતો સંજયભાઇ બાબુભાઇ વાઘેલા (ઉ.૩૪) રાત્રે ત્રણ વાગ્યે બેભાન થઇ જતાં સિવિલ હોસ્પિટલમાં ખસેડાયો હતો. પરંતુ અહિ દમ તોડી દેતાં પરિવારમાં ગમગીની છવાઇ ગઇ હતી. ભકિતનગર પોલીસે જરૂરી કાર્યવાહી કરી હતી. મૃત્યુ પામનાર સંજયભાઇ મજૂરી કરતો હતો. તે બે ભાઇ અને એક બહેનમાં નાનો અને અપરિણીત હતો.

(3:31 pm IST)
  • કાર્ડ દ્વારા કેશ-રોકડ રાખવા અને વિડ્રો કરવા ચોક્કસ લિમિટ રખાશે : ફ્રી આર.ટી.જી.એસ અને એન.ઈ.એફ.ટી ની જાહેરાત કર્યા પછી હવે, કાર્ડ ઉપર કેશ-રોકડ રાખવા અને વિડ્રો કરવા માટે ચોક્કસ લિમિટ આવી રહ્યાનું જાણવા મળે છે access_time 12:42 am IST

  • રાજકોટ ડેરીએ દુધના ભાવમાં વધારો : દુધમાં પ્રતિકિલો ફેટે રૂ.૧૦નો વધારોઃ દુધના કિલો ફેટના ભાવ રૂ.૬૬૦ : ઉનાળામાં દુધની આવક ઘટતા ભાવમાં વધારો access_time 1:21 pm IST

  • બિહારમાં ભાજપ નેતાની ગળુ દાબી ક્રુર હત્યા : બિહારમાં ચંપારણ જીલ્લામાં ભાજપના એક નેતાની હત્યા કરી તેની દુકાનમાં લૂંટ ચલાવામાં આવી છેઃ કૃષ્ણા શાહ નામના ભાજપના નેતાને ગઇરાત્રે બેફામ માર મારી ગળુ દબાવી હત્યા થઇ છેઃ તેઓ નરેન્દ્રભાઇ મોદીની ખુબ નજીક હોવાનું મનાય છે access_time 4:05 pm IST