Gujarati News

રાજકોટ, તા. ૭ : ગોંડલ ચોકડી નજીક માલધારી ફાટક પાસે એક અજાણ્યો યુવાન ટ્રેન હેઠળ કપાઇ જતા આજીડેમ પોલીસે તપાસ હાથ ધરી છે.

મળતી વિગત મુજબ માલધારી ફાટક પાસે એક ૩પ થી ૪૦ વર્ષનો અજાણ્યો યુવાન ટ્રેન નીચે કપાઇ જતા આસપાસના લોકો એકઠા થઇ ગયા હતા. આ બનાવ અંગેની જાણ થતાં આજીડેમ પોલીસ મથકના પીએસઆઇ સી.એસ. પટેલ તથા રાઇટર કિરીટભાઇ રામાવતે સ્થળ પર પહોંચી યુવાનની ઓળખ મેળવવા તપાસ આદરી હતી. મૃતક અજાણ્યા યુવાને જમણા હાથ પર અંગ્રેજીમાં બાબા, એસએનકે અને એમ ત્રોફાવેલ છે. જો કોઇ આ યુવાનના સગા સબંધી હોય તો આજીડેમ પોલીસ મથક ફોન નંબર ૭૪૩૩૮ ૧૪૮૦૮ ઉપર સંપર્ક કરવા જણાવાયું છે.