Gujarati News

Gujarati News

News of Thursday, 7th June 2018

નકલી માર્કશીટના કૌભાંડમાં ક્રાઇમ બ્રાંચની જયપુર અને રાજસ્થાનની યુનિવર્સિટીમાં તપાસ

આમ્રપાલી પાસે વે ટુ લર્ન કલાસીસના સંચાલક પ્રકાશ ગોહેલને બે મહિના પહેલા પકડાયો હતો : જયપુર યુનિવર્સિટીની એક ડીગ્રી સાચી નીકળીઃ તેની પાસે આન્સર પેપર મંગાયું: સિંધાનીયા યુનિવર્સિટીની પાંચ ડીગ્રી બાબતે વેકેશન બાદ વિગતો અપાશેઃ કાનપુર, વારાણસી, અલાહાબાદ સુધી તપાસનો દોર લંબાશે

રાજકોટ તા. ૭ : બે મહિના પહેલા ક્રાઇમ બ્રાંચ રૈયા રોડ આમ્રપાલી સામે વે ટુ લર્ન-સનરેયઝ નામના કલાસીસમાં દરોડો પાડી અલગ-અલગ રાજ્યોની યુનિવર્સિટીની નકલી માર્કશીટ વેંચવાનું કૌભાંડ ઝડપી લઇ કલાસીસના સંચાલક કુવાડવા રોડ પર રહેતાં પ્રકાશ ગોવિંદભાઇ ગોહેલ (સગર)ની ધરપકડ કરી હતી. તેની તપાસમાં વડોદરાના પંકજ સંઘવી, અંકલેશ્વરના હિતેષ પટેલ સહિતના નામો ખુલ્યા હતાં. હાલ આ કેસની તપાસ માટે ક્રાઇમ બ્રાંચની ટુકડી જયપુર અને રાજસ્થાનમાં પહોંચી છે. જ્યાં બે યુનિવર્સિટીમાં તપાસ કરી છે.

જાણવા મળ્યા મુજબ પીએસઆઇ એચ. બી. ધાંધલ્યા અને ટીમે જયપુર ખાતે નેશનલ યુનિવર્સિટીમાં તપાસ કરી છે. કબ્જે થયેલી માર્કશીટ અને ડીગ્રીમાં એક ડીગ્રીઆ યુનિવર્સિટીની હતી. ત્યાં તપાસ થતાં આ ડીગ્રી સાચી હોવાનું જણાવાયું છે. જો કે પોલીસે ખરાઇ કરવા આન્સર પેપર માંગ્યું છે. જે દસેક દિવસ બાદ આપવામાં આવશે. આ ઉપરાંત રાજસ્થાનની સિંઘાનીયા યુનિવર્સિટીમાં પણ તપાસ કરવામાં આવી છે. જ્યાંની પાંચ ડીગ્રી છે. જો કે હાલમાં અહિ વેકેશન હોઇ થોડા દિવસ પછી માહિતી અપાશે.

ટૂકડી હવે પછી કાનપુર, વારાણસી અને અલાહાબાદ ખાતેની યુનિવર્સિટીમાં પહોંચીને તપાસ કરશે તેમ જાણવા મળ્યું છે.

(4:23 pm IST)
  • પેટ્રોલ -ડીઝલના ભાવમાં વણથંભ્યો ઘટાડો ચાલુ ;કાલે ગુરુવારે પેટ્રોલ ડીઝલમાં સતત નવમા દિવસે ભાવ ઘટશે:બુધવારે પેટ્રોલ -ડીઝલમાં લીટરે 8થી 10 પૈસાનો વધુ ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,91 રૂપિયા અને ડીઝલનો ભાવ લિટરે 73,86 રૂપિયા થશે :રાજ્ય પ્રમાણે કરવેરા અલગ થશે:છેલ્લા આઠ દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 1:21 am IST

  • શેરબજારમાં જોરદાર શરૂઆત: સેન્સેક્સ અને નિફ્ટીમાં 0.5 ટકાથી વધારેનો ઉછાળો: મિડકેપ અને સ્મૉલકેપ શેરોમાં પણ વધારો:બેન્કિંગ, ઑટો, આઈટી, મેટલ, રિયલ્ટી, કેપિટલ ગુડ્ઝ, ઑયલ એન્ડ ગેસ અને પાવર શેરોમાં લેવાલી:સેન્સેક્સ 238 અંક વધીને 35417ના સ્તરે: નિફ્ટી 71 અંક વધીને 10756ની સપાટીએ access_time 10:45 am IST

  • આગ્રા હાઇવે ઉપર ટ્રક અને મીની બસ વચ્ચે ગમખ્વાર અકસ્માત : ૧૦ના મોતઃ ૧૨ને ગંભીર ઇજા access_time 4:05 pm IST