Gujarati News

Gujarati News

News of Thursday, 7th June 2018

ભુલી પડેલી બાળકીનો બે કલાકની દોડધામ બાદ તાલુકા પોલીસે પરિવાર સાથે મિલાપ કરાવ્યો

રાજકોટઃ મવડી ઓમનગર પાસે ગત સાંજે ચારેક વાગ્યે એક આશરે બે વર્ષની બાળકી રડતી હોવાની જાણ જાગૃત નાગરિકે પોલીસ કન્ટ્રોલ રૂમમાં કરતાં તાલુકા પોલીસ મથકની પીસીઆર-૨૩ના ઇન્ચાર્જ કોૈશિકભાઇ ગઢવી, ડ્રાઇવર રૂષીભાઇ જાની ત્યાં તાકીદે પહોંચ્યા હતાં અને બાળકીનો કબ્જો સંભાળી તેના વાલીવારસને શોધવા તજવીજ કરી હતી. બાળકી કંઇ બોલતી ન હોઇ પી.આઇ. વી.એસ. વણઝારાને જાણ કરી હતી. તેમના માર્ગદર્શન હેઠળ તપાસ કરવામાં આવ્યા બાદ આ બાળકીના પિતા કિરીટભાઇ ટીલાવત મવડી ૪૦ ફુટ રોડ પર મજૂર કોલોનીમાં રહેતાં હોવાની  માહિતી મળતાં તેને સોંપવામાં આવી હતી. પોલીસે બાળકીને સાથે રાખી ઓમનગર તથા આસપાસની સોસાયટીઓમાં બે કલાક સુધી દોડધામ કરી હતી. અંતે મહેનત લેખે લાગી હતી અને બાળકીનું મિલન તેના પરિવાર સાથે થયું હતું. એસઆરપીમેન સવસીંગભાઇ ચારેલ પણ આ કામમાં જોડાયા હતાં. બાળકી રમતી-રમતી નીકળી ગઇ હતી અને ભુલી પડી હતી.

(12:40 pm IST)
  • ડોનાલ્ડ ટ્રમ્પએ કહ્યું કિમ જોંગ ઉન સાથેની બેઠક માત્ર તસવીરો ખેંચાવવા માટે નથી પરંતુ તેનાથી વિશેષ છે :આ ઐતિહાસિક બેઠક માટે પર્યટક રિસોર્ટ દ્વીપ સેન્ટોસાને સ્થળ તરીકે પસંદગી કરાઈ છે ;એવું મનાય છે કે આ બેઠકના કવરેજ માટે વિશ્વભરના 2500 પત્રકારો આવશે access_time 1:17 am IST

  • મોડીરાત્રે પૂર્વ કાશ્મીરમાં 5,1ની તીવ્રતાનો જોરદાર ભૂકંપ access_time 1:10 am IST

  • શેરબજારમાં જોરદાર શરૂઆત: સેન્સેક્સ અને નિફ્ટીમાં 0.5 ટકાથી વધારેનો ઉછાળો: મિડકેપ અને સ્મૉલકેપ શેરોમાં પણ વધારો:બેન્કિંગ, ઑટો, આઈટી, મેટલ, રિયલ્ટી, કેપિટલ ગુડ્ઝ, ઑયલ એન્ડ ગેસ અને પાવર શેરોમાં લેવાલી:સેન્સેક્સ 238 અંક વધીને 35417ના સ્તરે: નિફ્ટી 71 અંક વધીને 10756ની સપાટીએ access_time 10:45 am IST