Gujarati News

Gujarati News

News of Friday, 7th May 2021

ફોલોઅર્સ વધારવા માટે ઇન્સ્ટાગ્રામ પર સગીરાનું ફેક આઇડી બનાવી વિરપુરના ભાવેશે ફોટા પોસ્ટ કર્યા

રાજકોટ સાયબર ક્રાઇમની ટીમે શખ્સને વિરપુરથી દબોચ્યો

રાજકોટ તા. ૭ : શહેરના જાગનાથ વિસ્તારમાં રહેતી સગીરાના નામનું ઇન્સ્ટાગ્રામ પર ફેક આઇ.ડી.બનાવી તેના પ્રોફાઇલમાં સગીરાનો ફોટો રાખી સગીરાના ફોટા પોસ્ટ કરનારા વિરપુરના શખ્સને રાજકોટ સાયબર ક્રાઇમની ટીમે પકડી લીધો હતો.

મળતી વિગત મુજબ જાગનાથ પ્લોટ વિસ્તારમાં રહેતી મહિલાએ પોલીસના સાયબર ક્રાઇમમાં કરેલી ફરીયાદમાં વિરપુરના ભાવેશ કાળુભાઇ મકવાણાનું નામ આપ્યું છે. મહિલાએ ફરીયાદમાં જણાવ્યું છે  કે, પોતાની ૧૭ વર્ષની પુત્રી પોતાના મોબાઇલમાં વોટસએપ અને ઇન્સ્ટાગ્રામ વાપરે છે. તેના ધ્યાને ગઇ તા.૧૩/૯/ર૦ના આવ્યું કે તેના નામનુ ઇન્સ્ટાગ્રામ પર એક ફેક આઇ.ડી.છે. અને તેનો પ્રોફાઇલ પોતાનો ફોટો છે. આ બાબતે સગીરાએ પોતાને જાણ કર્યા બાદ સાયબર ક્રાઇમમાં જાણ કરવામાં આવતા પી.એસ.આઇ. આર.એન. સાંકળીયા સહિતના સ્ટાફે તપાસ કરતા આ ફેક આઇ.ડી.અને મોબાઇલ નંબર ભાવેશ મકવાણા વાપરતો હોવાનું ખુલતા પોલીસે તેનીસામે ગુનો દાખલ કરી ભાવેશ કાળુભાઇ મકવાણા (ઉ.ર૦) (રહે.વિરપુર ના જેતપુર)ને પકડી લીધો હતો. પુછપરછમાં ભાવેશ મકવાણા મજુરી કામ કરે છે. તે છેલ્લા આઠ માસથી ઇન્સ્ટાગ્રામ વાપરે છે. અને પોતે ફોલોઅર્સ વધારવા માટે સગીરાનો ફોટો પોસ્ટ કર્યો હોવાનું જણાવ્યું છે.

(1:05 pm IST)
  • રાજસ્થાનમાં ૧૦ મે થી ૨૪ મે સુધી કડક લોકડાઉન: લગ્ન પ્રસંગો ઉપર ૩૧ મે સુઘી પ્રતીબંઘ: રાજસ્થાનમાં કોરોના કેસોનો રાફડો ફાટી નીકળ્યો છે ત્યારે કોરોનાને કાબુમાં લેવા લોકડાઉન સહિતના આકરા પગલા સાથે અશોક ગેહલોત સરકાર આકરા પાણીએ access_time 12:07 am IST

  • દિલ્હીના પૂર્વ પ્રધાનનો કોરોનાએ જીવ લીધો દિલ્હીના પૂર્વ મંત્રી અને ભારતીય જનતા પક્ષના નેતા જયપાલસિંહ ગુર્જરનું મેટ્રો હોસ્પિટલમાં અવસાન થયું છે. બે દિવસ પહેલા તેમને કોરોના પોઝિટિવ આવેલ હતો . access_time 9:55 pm IST

  • ગાંધીનગરમાં પણ આવતીકાલથી શરૂ થશે ડ્રાઈવ થ્રુ રસીકરણ : સવારે 9 થી બપોરે 1 વાગ્યા સુધી એક્ઝીબિશન ગ્રાઉન્ડ ખાતે 45 વર્ષથી વધુ ઉંમરના લોકોને અપાશે કોરોનાની રસી access_time 9:48 pm IST