Gujarati News

સ્માર્ટ સીટીની વટભેર વાતો કરતા અધિકારીઓ તથા પદાધિકારીઓ સ્વચ્છ સીટીનું નિર્માણ કરી શકશે તેવો પ્રશ્ન લોકો કરી રહ્યા છે ત્યારે થોડા સમય પહેલા જ મેયર ડો. જૈમનભાઇ ઉપાધ્યાયના નિવાસસ્થાન સામે રોયલ પાર્કમાં આવેલ તોરણ એપાર્ટમેન્ટમાં બે વૃક્ષોના બદલે પાંચથી ૬ વૃક્ષોનો ખુરદો બોલી ગયા બાદ નોટીસના નાટકો થયા પરંતુ આજે પણ પર્યાવરણ વિરૂધ્ધની કાર્યવાહીની સાક્ષી પુરતા વૃક્ષોના થડીયા વટભેર ત્યાં રાખવામાં આવ્યા છે ત્યારે મેયરના ઘરની સામે જ આવેલ રોયલ પાર્ક શેરી નં. ૧૦ માં લક્ષ્મી એપાર્ટમેન્ટની કમ્પાઉન્ડ વોલ પાસે અને માઇલસ્ટોન એપાર્ટમેન્ટના મુખ્ય પ્રવેશ દ્વારની સામે બેફામ ગંદકી અને અઢીથી ત્રણ વર્ષની બોરડી નગરસેવકોના સાઇન બોર્ડ પાસે જ નજરે પડે છે. મહાનગરપાલિકાનું નિંભરતંત્ર સ્વચ્છતાની કેવી કામગીરી કરી રહી છે. તેના પર બેશરમી સાથે પ્રશ્ન થઇ રહ્યો છે. લોકો સામે ન જુઓતો કાંઇ નહી મેયરના ઘરની સામે અને નગરસેવક અશ્વિનભાઇ ભોરણીયા ત્થા નગરસેવીકા જયોત્સનાબેન ટીલાળાના નામના સાઇન બોર્ડ સામુ તો તંત્ર જુએ તેવો પ્રશ્ન પણ થઇ રહ્યો છ.ે (તસ્વીરઃ સંદિપ બગથરીયા(૬.૨૭)