Gujarati News

Gujarati News

News of Friday, 6th December 2019

સેન્ટ્રલ એકસાઇઝ અને સર્વીસમાં દંડ-વ્યાજ માફીની યોજના

રાજકોટ તા.૬: કેન્દ્ર સરકારે એક અભૂતપૂર્વ યોજના સબકા વિશ્વાસ (વારસા વિવાદ સમાધાન યોજના), ૨૦૧૯ રજૂ કરી છે જે હેઠળ સેંટ્રલ એકસાઇઝ અને સર્વીસ ટૅકસ ના મુકદમાં / તપાસ / ઓડિટ / બાકી લેણા ના મામલા બાબતે છે. વધુ માં આ યોજના સ્વૈચ્છિક જાહેરાત હેઠળ એ લોકો ને તક ઓ છે કે જેમના દ્વારા અગાઉ ભરવાના થતાં સેંટ્રલ એકસાઇઝ કર અને સર્વીસ ટૅકસ ભરવામાં આવ્યા નથી. આ યોજના માં ભરવાના થતાં કર માં નોંધપાત્ર માફી છે જ્યારે યોજના વ્યાજ, દંડ, લેટ ફી અને કાનૂની કાર્યવાહી માંથી સંપૂર્ણ માફી આપે છે. આ યોજના ની માહિતી www.cbic.gov.inપર ઉપલબ્ધ છે અને યોજના હેઠળ ઘોષણાપત્ર પણ ત્યાં જ કરી શકાશે.

આ યોજના અંતર્ગત અત્યાર સુધી અભૂતપૂર્વ કહી શકાય તેમ રાજકોટ આયુકતાલય ને ૪૦૦ થી વધુ અરજીઓ પ્રાપ્ત થયેલ છે જેમાં કુલ રૂપિયા ૮૦ કરોડ જેટલી રકમ સામેલ છે. આ માંથી લગભગ ૫૦% અરજીઓનો અંતિમ નિકાલ લાવી દેવા માં આવેલ છે જેમાં કુલ રૂપિયા ૪૭ કરોડ જેટલી રકમ સામેલ છે.

વધુમાં જી.એસ.ટી. - મિત્ર હેલ્પ ડેસ્ક સારી રીતે કામ કરી રહેલ છે, જે આયુકતાલય, રાજકોટ અને મંડળ કાર્યાલયો એ કાર્યરત છે જેમાં કરદાતા ને ઉપયોગી માહિતી / માર્ગદર્શન પૂરુ પાડવામાં આવે છે તથા તેમની કોઈ શંકા હોય તો દુર કરવામાં આવે છે તથા ઘોષણાપત્ર ફાઇલ કરવામાં પણ મદદ કરવામાં આવે છે. આ યોજના હેઠળ ઘોષણાપત્ર ફાઇલ કરવાથી માંડી મામલો બંધ કરવાની જાણકારી સુધી ની તમામ પ્રકિયા ઓનલાઈન છે જેથી કરદાતા ને જી.એસ.ટી. કચેરીએ મુલાકાત લેવાની જરૂર પણ પડતી નથી.

આથી તમામ લાયક તથા ઇચ્છુક કરદાતા ને આ યોજના નો લાભ લેવા અનુરોધ કરવામાં આવે છે, કેજે તારીખ ૩૧.૧૨ના રોજ સમાપ્ત થાય છે.

(3:27 pm IST)
  • કોંગ્રેસના મહિલા નેતા શર્મિષ્ઠા મુખરજીએ હૈદરાબાદ ખાતે ૪ બળાત્કારીઓના એનકાઉન્ટર અંગે પ્રશ્ન ઉઠાવતા કહ્યું છે કે આ બનાવની તપાસ થવી જોઈએ. દેશ આખામાં તેલંગણા પોલીસ ઉપર પ્રશંસા વર્ષા થઇ રહી છે ત્યારે મહિલા નેતાના ઉચ્ચારણોથી ભારે નારાજગી સર્જાય છે. access_time 12:54 pm IST

  • ફ્રાન્સમાં પેન્શન સુધારણાના વિરોધમાં મહા હડતાલ : ૯૦% રેલવે અને મેટ્રો સેવાઓ ઠપ્પ : પેરિસ આશિત અનેક શહેરોમાં લાખો કર્મચારીઓનું વિરોધ પ્રદર્શનઃ હડતાળથી જનજીવન પર માઠી અસર : અનેક જગ્યાએ પોલીસ અને પ્રદર્શનકારીઓ વચ્ચે ઘર્ષણ : પેરિસમાં ૮૭ લોકોની અટકાયત access_time 11:27 am IST

  • વિવાદાસ્પદ સ્વયંભૂ બાબા નિત્યાનંદ સ્વામીનો પાસપોર્ટ રદ કરતી ભારત સરકાર : પાસપોર્ટ માટેની નવી અરજી પણ રદ કરી દીધી access_time 8:20 pm IST