Gujarati News

Gujarati News

News of Thursday, 6th December 2018

ગિતાંજલિ સોસાયટીનો ૨II લાખની ચોરીનો ભેદ ખુલ્યોઃ ક્રાઇમ બ્રાંચે લીલીને પકડીઃ રોકડ કબ્જે

દેવીપૂજક તસ્કરણી કચરો વીણવાના બહાને નીકળતી અને ખુલ્લા મકાનમાં ઘુસી હાથફેરો કરી લેતીઃ અગાઉ પણ બે વખત ઝડપાઇ'તીઃ કોન્સ. ઘનશ્યામસિંહ ચોૈહાણ, એએસઆઇ જયદિપસિંહ રાણા, યુવરાજસિંહ ઝાલાની બાતમી

રાજકોટ તા. ૬: કોઠારીયા રોડ પર ગીતાંજલી પાર્ક-૬માં અઠવાડીયા પહેલા ખુલ્લા મકાનમાંથી રૂ. ૨,૫૦,૦૦૦ની ચોરી થઇ હતી. આ ગુનાનો ભેદ ક્રાઇમ બ્રાંચે ઉકેલી નાંખી દેવીપૂજક તસ્કરણી લીલી ધીરૂભાઇ વાઘેલા (ઉ.૪૫-રહે. માલધારી સોસાયટી, બાપા સિતારામના ઓટા પાસે, જુના યાર્ડ નજીક)ને ઝડપી લઇ રોકડ કબ્જે લીધી છે. આ મહિલા ચોરી કરવાની ટેવ ધરાવે છે અને કચરો વિણવાના બહાને જે તે વિસ્તારમાં જઇ ખુલ્લા મકાન દેખાતા જ અંદર ઘુસી ફટાફટ ચોરી કરી ભાગી જવામાં પાવરધી છે. અગાઉ તે આવા ગુના સબબ બે વખત પકડાઇ ચુકી છે.

જાણવા મળ્યા મુજબ ગીતાંજલી પાર્ક-૬માં અઠવાડીયા પહેલા એક પટેલ પરિવારનું મકાન ખુલ્લુ હોઇ તેમાંથી કોઇ રૂ. અઢી લાખની રોકડ ચોરી ગયું હતું. આ મામલે ભકિતનગર પોલીસ મથકમાં ફરિયાદ નોંધાવાઇ હતી. આ ગુનાનો ભેદ ઉકેલવા ક્રાઇમ બ્રાંચની ટીમ પણ કામે લાગી હતી. જે દરમિયાન કોન્સ. ઘનશ્યામસિંહ ચોૈહાણ, એએસઆઇ જયદિપસિંહ રાણા અને યુવરાજસિંહ ઝાલાને ચોક્કસ બાતમી મળી હતી કે આ ચોરીમાં માલધારી સોસાયટીની લીલી સંડોવાઇ છે. બાતમી પરથી તેણીને મહિલા પોલીસને સાથે રાખી સકંજામાં લઇપુછતાછ કરવામાં આવતાં ગલ્લા તલ્લા કર્યા બાદ ચોરી કબુલી હતી અને ઘરમાં રોકડ છુપાવી રાખી હોઇ તે કાઢી આપી હતી.

પોલીસ કમિશ્નર મનોજ અગ્રવાલ, જોઇન્ટ પોલીસ કમિશ્નર સિધ્ધાર્થ ખત્રી, ડીસીપી રવિકુમાર સૈની, ડીસીપી મનોહરસિંહ જાડેજા, એસીપી ક્રાઇમ જે. એચ. સરવૈયા અને પીઆઇ એચ. એમ. ગઢવીની રાહબરી હેઠળ પીએસઆઇ ડી. પી. ઉનડકટ, એએસઆઇ જયદિપસિંહ, હેડકોન્સ. ભરતભાઇ વનાણી, હિતેન્દ્રસિંહ ઝાલા, ઘનશ્યામસિંહ (ઘનુભા) ચોૈહાણ, યુવરાજસિંહ, પ્રદિપસિંહ જાડેજા, સ્નેહ ભાદરકા, મુકેશ સબાડ, મહિલા કોન્સ. મિતાલીબેન ઠાકર સહિતે આ કામગીરી કરી હતી.

લીલી કચરો વીણવાના બહાને નીકળતી હતી અને ખુલ્લા ઘરોમાં ઘુસી હાથફેરો કરી લેતી હતી. વધુ કોઇ ગુના આચર્યા છે કે કેમ? તે અંગે તપાસ થઇ રહી છે. (૧૪.૧૨)

(4:36 pm IST)
  • લોક રક્ષક દળ પેપર લીક કૌભાંડઃ એટીએસે વધુ ૨ ને ઝડપી લીધા : રાજકોટ સીઆઈડી અને એટીએસ દ્વારા વડોદરા આસપાસ તપાસનો મોટો ધમધમાટ ચાલુ છેઃ એટીએસ દ્વારા પોલીસ કોન્સ્ટેબલ પરીક્ષાના પેપર લીક કૌભાંડમાં વધુ ૨ ની ધરપકડો કરી ગાંધીનગર લઈ જવાયા છે એટીએસએ વોચ ગોઠવી આ ધરપકડો કરી છે access_time 3:36 pm IST

  • અગસ્તા વેસ્ટલેન્ડ: અજીત ડોભાલ અને CBIના નવા ચીફ અે આપ્યો ‘‘ઓપરેશન મિશેલ’’ ને અંજામ : CBIના બે અધિકારી રાકેશ અસ્થાના અને આલોક વર્મા વચ્ચે અદાલતી લડાઇ : સીબીઆઇ મિશેલને પટિયાલ હાઉસ કોર્ટમાં રજૂ કરશે : સીબીઆઇ જોઇન્ટ ડાયરેકટ સાંઇ મનોહરનું નેતૃત્વ-ટીમઅે દુબઇમાં રહી મિશન પુરૂ કર્યુ : સુષ્મા સ્વરાજે કૌસુલર પ્રત્યાર્પણ મામલે વાત કરી : સુષ્મા દુબઇમાં છે: ભારત-UAE જોઇન્ટ કમિશનની બેઠકમાં ભાગ લેશે : ૩૬૦૦ કરોડના અગસ્તા વેસ્ટલેન્ડ સોદામાં રાજનીતિક નેતૃત્વ પર સવાલ access_time 12:30 am IST

  • હિન્દીમાં ચિત્રા મુદ્દગલ અને ઉર્દુમાં રહમાન અબ્બાસ સહિત 24 લેખકોને સાહિત્ય અકાદમી પુરષ્કાર : કુલ 24 ભાષાઓના લેખકોને પુરષ્કારની જાહેરાત : અંગ્રેજીમાં અનીસ સલીમ અને સંસ્કૃતમાં રમાકાંત શુક્લ,પંજાબીમાં મોહનજીતપુરષ્કારનું એલાન : સાત કવિતા સંગ્રહ,છ ઉપન્યાસ,છ વાર્તાસંગ્રહ ,ત્રણ વિવેચનો અને બે નિબંધને પુરષ્કાર માટે પસંદગી access_time 1:12 am IST