Gujarati News

રાજકોટ, તા.૬: મ્યુ.કોર્પોરેશન દ્વારા 'ઘન કચરા વ્યવસ્થાપન અને સ્વચ્છ ભારત મિશન' અંતર્ગત તૈયાર કરેલ અભ્યાસક્રમ મુજબ યોજાનાર છે ત્યારે આ પરીક્ષા અંતર્ગત વર્લ્ડ રેકોર્ડ ઇન્ડિયા અમદાવાદ દ્વારા સર્વેક્ષણ હાથ ધરાશે તેમ મેયર બિનાબેન આચાર્યએ જણાવ્યું હતું.

આ અંગે મેયર બિનાબેન આચાર્યએ જણાવ્યુ હતુ કે, રાજકોટ મહાનગરપાલિકા દ્વારા ગત સપ્ટેમ્બર માસમાં કલીનેથોન ઇવેન્ટ ખુલ્લી મુકવામાં આવેલ. ભારત સરકારના સ્વચ્છતા સર્વેક્ષણ અંતર્ગત સ્વચ્છતાનો સંદેશો ઘર-ઘર સુધી પહોંચે તે માટે ૧૦ ડીસેમ્બર હ્યુમન રાઈટ્સના દિવસે વિદ્યાર્થીઓ માટે પરીક્ષા યોજવામાં આવનાર છે. આ પરીક્ષામાં ૬૦,૦૦૦ થી વધુ વિદ્યાર્થીઓ ભાગ લેશે અને પરીક્ષા ૩૦ મીનીટની યોજાશે. આ પરીક્ષાને સફળ બનાવવા શહેરની સેલ્ફ ફાઈનાન્સ સ્કુલના હોદેદારો, નગર પ્રાથમિક સમિતિના ચેરમેન તેમજ અધિકારીઓ વિગેરે ઝેહમત ઉઠાવી રહેલ છે.

આ પરીક્ષા અંતર્ગત ૧૦ તારીખના રોજ વર્લ્ડ રેકોર્ડ ઇન્ડિયા અમદાવાદની ટીમ દ્વારા આ ઇવેન્ટનું સર્વેક્ષણ કરશે. આ ઇવેન્ટ વર્લ્ડ રેકોર્ડ ઇન્ડિયા અમદાવાદની ટીમ દ્વારા સર્વેક્ષણ થયા બાદ સંબધિત સંસ્થા સર્ટીફીકેટ, મેડલ, રેકોર્ડની ટ્રોફી, આપવાનો નિર્ણય કરશે તેમ મેયરની સતાવાર યાદીમાં જણાવાયુ છે.(૨૩.૧પ)