Gujarati News

Gujarati News

News of Thursday, 6th December 2018

થોરાળાના ન્યુ ક્રિષ્ના પાર્કમાંથી વિજય ઉર્ફ લીંબુ ૧૨૦ બોટલ દારૂ સાથે પકડાયો

પી.આઇ. એસ. અને. ગડ્ડુની રાહબરીમાં થોરાળા પોલીસે દરોડો પાડ્યો

રાજકોટ તા. ૬: શહેર પોલીસ દ્વારા દારૂના બુટલેગરો પર સતત ધોંસ બોલાવાઇ રહી છે. થોરાળા પોલીસે નવા થોરાળા અવધ પાર્ક-૪માં રહેતાં વિજય ઉર્ફ લીંબુ ગોવિંદભાઇ વધેરા (ઉ.૨૧) નામના શખ્સને રૂ. ૪૨,૦૦૦ના ૧૨૦ બોટલ દારૂ સાથે ઝડપી લીધો છે.ડીસીપી ઝોન-૧, એસીપી પૂર્વની સુચના અને પી.આઇ. એસ. એન. ગડ્ડુની રાહબરીમાં પીએસઆઇ પી. ડી. જાદવ, એએસઆઇ બલભદ્રસિંહ જે. જાડેજા, હેડકોન્સ. ભુપતભાઇ, મુકેશભાઇ, લાખાભાઇ, કોન્સ. કનુભાઇ ઘેડ, નરસંગભાઇ સહિતની ટીમ પેટ્રોલીંગમાં હતી ત્યારે પીએસઆઇ પી.ડી. જાદવને બાતમી મળી હતી કે અવધ પાર્કનો વિજય ઉર્ફ લીંબુ નવા થોરાળાના ન્યુ ક્રિષ્ના પાર્ક-૩માં સિધ્ધી વિનાયક મકાનની સામેના ખુલ્લા પ્લોટમાં દારૂની પેટીઓ સાથે ઉભો છે અને સગેવગે કરવાનો છે. આ માહિતી પરથી દરોડો પાડવામાં આવતાં એપિસોડ બ્રાન્ડની વ્હીસ્કીની બોટલો મળી આવતાં કબ્જે કરી તેની ધરપકડ કરવામાં આવી હતી. આ શખ્સની વિશેષ પુછતાછ થઇ રહી છે.

(3:56 pm IST)
  • અમદાવાદ: આસારામ સામે નોંધાયેલા બળાત્કારના કેસમાં સાક્ષીઓના નિવેદનના મુદ્દાને લઈને હાઇકોર્ટમાં થઇ અરજી:વિરોધાભાસી નિવેદનો કોર્ટને બતાવવા અંગે આરોપી તરફથી થયેલી રજૂઆતને ટ્રાયલ કોર્ટે ફગાવતા હાઇકોર્ટમાં થઇ અરજી:હાઈકોર્ટે તપાસ સંસ્થા અને અન્ય પક્ષકારોને ઇશ્યુ કરી નોટિસ:સરકારે જવાબ રજૂ કરવા માટે માંગ્યો સમય: ૧૧ ડિસેમ્બરે હાથ ધરાશે સુનવણી access_time 2:40 pm IST

  • પ્રકાશ જાવડેકરની આગાહી :કર્ણાટકમાં ગબડી શકે છે સરકાર :જાવડેકરે દાવો કર્યો કે જેડીએસ અને કોંગ્રેસ વચ્ચેનું અશુભ ગઠબંધન તૂટશે :બંને પક્ષો તકવાદી રાજનીતિ કરે છે તેવો આરોપ લાગવી જાવડેકરે કોંગ્રેસ અને જેડીએસ વચ્ચે આંતરિક કલહને કારણે કંટક સરકારનું પતન થશે તેમ કહ્યું હતું : જાવડેકરે એમ પણ કહ્યું કે જો કોઈ યોગ્ય વિચાર સાથે ભાજપ પાસે પોતાનું દર્દ લઈને આવે ત તેનું સ્વાગત છે access_time 1:19 am IST

  • સુરત :જાપાની કંપની ઝીકાના અધિકારી આવતીકાલે સુરત અને નવસારીના ખેડૂતોની કરશે મૂલાકાત :બુલેટ ટ્રેન અને જમીન સંપાદન મુદ્દે ઝીકા કંપનીના આધિકારી ગુજરાત ખેડૂત સમાજ સાથે પણ કરશે ચર્ચા access_time 2:39 pm IST